Mətbuat-Monitorinq 09.04.14
Rəsmi qəzetlər dövlət başçısı İlham Əliyevin Naxçıvan səfərinə dair yazılara geniş yer veriblər, Naxçıvanın inkişafında rolu olan şəxslərin dövlət mükafatları ilə təltif olunmalarına dair sərəncamların mətnlərini dərc ediblər.
“Azadlıq” qəzeti nəqliyyat naziri Ziya Məmmədovun “nurçuluq fırtınası”nın qurbanı ola biləcəyindən ehtiyatlandığını və buna görə Türkiyənin baş naziri Ərdoğanın Bakı səfərindən sonra qorxuya düşməsi xəbərini ilk səhifəyə çıxarıb.
Qəzet ekspertlərə istinadən dövlət başçısı İlham Əliyevin Naxçıvan səfərini Rusiyanın “ikinci Krım” ssenarisini Naxçıvanda təkrar edə bilməsi ehtimalı ilə əlaqələndirirlər. Rusiya silahlı qüvvələrinin Qərargah rəisinə Bakıda medal verilməsini ekspertlər “rəsmi Bakının bu yolla Rusiyadan gələn zərbələrdən özünü qorumaq” cəhdi kimi dəyərləndiriblər.
2014-cü il üçün ölkə əhalisinin gəlirlərinin 220 manat təşkil etdiyi halda bunun 280 manat olaraq göstərilməsinə qəzet “Statistika Komitəsindən ağ yalan” mövqeyini ifadə edir.
İsmayıllının keçmiş icra başçısı Nizami Ələkbərova aid çörək zavodunda işləyən şəxslər maaşlarını ala bilmədikləri üçün etiraz aksiyası keçiriblər.
“Zerkalo” Ukrayna güc sturkturlarının ölkədə baş qaldıran separatçılığa qarşı mübarizəsinə toxunaraq bunu “Ukraynada qiyamın boğulmaqda olması” kimi dəyərləndirir.
“Ekspress” cəbhə bölgəsində mina partlayışı nəticəsində milli ordunun itkilərini “cəbhədə faciə” kimi dəyərləndirir.
Qəzet dövlət başçısı İlahm Əliyevin bu gün İrana səfərə yola düşməsinə diqqət çəkir.
“Exo” kredit ödənişlərindən sonra kredit ödəyənlərin 40%-nin əlində yaşayış minimumundan az vəsaitin qalması faktını ilk plana çıxarıb.
“Bizim yol” cəbhə xəttində milli ordunun 3 hərbçisinin həlak olması, 6 nəfərin isə ağır yaralanması xəbərini manjetə çəkib.
Ukrayna rəhbərliyi “Krım məsələsi”ndə tutduqları mövqeyə görə Ermənistanla əlaqələrin gərginləşəcəyi, Azərbaycanın dostluğunu isə unutmayacaqları haqda bəyanat səsləndirib.
Qəzet mənzil tikintisi adı ilə ölkə vətəndaşlarını aldadan onlarla şirkətin nə mənzilləri verdiyini, nə də pulları qaytardığını diqqət mərkəzinə gətirir.
“Yeni Müsavat” rəsmi Bakıya təqdim olunan “Ərdoğan dosyesi”nin baş nazirin keçmiş birinci müavini Abbas Abbasovu birdəfəlik bitirəcyi iddiasını önə çəkib. Qəzetin iddiasına görə, Azərbaycanda “nurçuluq”a qarşı əməliyyat başlayır, belə ki, onlara dəstək verən şirkətlərin siyahısı tam əldə edilib.
Aİ-95 markalı benzinin 93 qəpiyə satılmasını yanacaq bazarında idarə edilən xaos yaradılması kimi dəyərləndirən ekspertlər bu vəziyyətdə benzin alverçilərinin külli miqdarda gəlir əldə etdiklərini bildirirlər.
-
- Cəmiyyət
- 9 Aprel 2014 13:18
Cəmiyyət
-
"Azərbaycan Respublikasının Prezidenti cənab İlham Əliyevin və ailə üzvlərinin adından guya vətəndaşların hansısa investisiya proqramına vəsait qoymağa təşviq edilməsi barədə bir sıra saxta sosial şəbəkə hesablarında paylaşılan materialların saxta ("fake") məlumatdır".
-
Azərbaycanda taksi xidməti ilə bağlı tənzimləmələrdən sonra Bakıda 35 minə yaxın taksi fəaliyyət göstərir və bu say əvvəlkindən 2 dəfə azdır. Bu barədə rəqəmsal inkişaf və nəqliyyat nazirinin müavini Rəhman Hümmətov Mobillik sahəsində qanunvericiliyin təkmilləşdirilməsinə həsr olunmuş brifinqdə bildirib.
-
Hakim Yeni Azərbaycan Partiyası (YAP) iyulun 17-də sentyabrın 1-də keçiriləcək növbədənkənar parlament seçkiləri ilə bağlı bütün 125 dairə üzrə namizədlərinin siyahısını açıqladı. Əvvəlki çağırış parlamentində təmsil olunan hakim partiya nümayəndələrinin bəziləri həmin namizədlərin arasında yoxdur.
-
Azərbaycanın milli aviadaşıyıcısı AZAL Bakı-Düşənbə-Bakı marşrutu üzrə uçuşlara başlayır.
Rəy yaz