Mətbuat-Monitorinq 09.05.13

 

Rəsmi və hökumətyönlü qəzetlər demək olar ki, bütün səhifələrini mərhum dövlət başçısı Heydər Əliyevin anadan olmasının 90 illik yublieyilə bağlı yazılara həsr ediblər. Bundan əlavə, bu qəzetlər dövlət başçısının insan alverinə qarşı mübarizədə cəzaların sərtləşdirilməsilə bağlı imzaladığı qanunun mətnini dərc ediblər. 

    

“Azadlıq” qəzeti tanınmış ziyalı Rüstəm İbrahimbəyovun “Azərbaycanda dəyişiklik üçün əlimdən gələni edəcəyəm, mübarizəni sona qədər aparacağam” bəyanatını manyetə çıxarıb.

Vəkil Aslan İsmayılov Vəkillər Kollegiyasından çıxarılmasını “bunun bircə adı var - həyasızlıq” kimi şərh edib. 

Naməlim şəxslər Ziyalılar Birliyinin ofisinə basqın edərək qurumun qapısının açar yerini sındırıb, lövhəsini oğurlayıblar. 

Rəsmi Bakının Sərhədsiz Reportyorlar təşkilatını təhqirə məruz qoymasını cəmiyyət fəalları “bu qurumun dediyi düz sözün iqtidarı yandırması” kimi dəyərləndiriblər. 

YAP-ın qurucularından olan Sirus Təbrizli PA rəhbəri Ramiz Mehdiyevi mərhum dövlət başçısı Heydər Əliyevə üç dəfə xəyanətdə ittiham edib. 

İranın Azərbaycandakı səfiri Möhsün Pakayin Azərbaycan ədəbiyyatşünası Xalidə Xalidin Təbrizdə həbsinə “Azərbaycan vətəndaşları İran qanunlarını pozduqları üçün saxlanılıblar” cavabını verib.   

   

“Ekspress” metro xətlərinin gələcəkdə Bakı ilə yanaşı Sumqayıtda, Naxçıvan və Gəncədə də işə düşəcəyini ön səhifəyə çıxarıb.

Dövlət başçısı İlham Əliyev beynəlxalq qurumların insan alverinə qarşı Azərbaycanda cəzaların yumşaq olması tənqidlərinə cavab olaraq bu cinayətlərin sərt cəzalandırılması barədə qanunu imzalayıb.

      

“Exo”  Beynəlxalq Əmək Təşkilatına istinadən dünyada orta aylıq əmək haqqının 1480 dollar təşkil etdiyi halda bunun Azərbaycanda 2 dəfə az olmaqla cəmi 596 dollar olduğunu bildirir. 

      

“Bizim yol”  yazır ki, keçmiş deputat Gülər Əhmədova həbs müddətinin 3 ay uzadılması ilə bağlı məhkəmə baxışında özündən gedib. 

   Neft şirkətinin siyahısında sökülməsi nəzərdə tutulan 22 mindən çox evin olduğu, məhkəmələrdə sakinlərdən xəbərsiz minlərlə işə baxaraq sökülmə qərarı çıxarıldığı bildirilir.

     

“Yeni Müsavat”  “Azərsu” ASC-nin 1 milyard manatlıq dövlət layihəsini general Bəylər Əyyubova məxsus olan “Hidro-Lotus” MMC-yə verməsini ilk səhifəyə çıxarıb və bunu “inanılmaz korrupsiya layihəsi” adlandırıb.

“Deputatlıq mandatı” video materialının “baş qəhrəman”ı, keçmiş deputat Gülər Əhmədovanın həbs müddəti 3 ay uzadılıb. 

“NİDA” gənclər hərəkatına yaxın Nilufər Məhərrəmlinin Mingəçevirdə intiharı müəmmalı olaraq qalır. İntiharına səbəb kimi “Sivil, demokratik və hüquqi dövlət uğrunda” yazısını sosial şəbəkədə paylaşmasından sonra universitetdə ona təzyiqlərin olması, polisdə döyülməsi, ailədə problemlərin yaranması göstərilir. 

  

“Bakı Xəbər” Bakıdakı özəl liseylərdə illik təhsil qiymətlərinin 5 min manatdan başladığını nəzərə çatdırır və ekspertlərə istinadən orta səviyyəli ailənin övladını bu tipli məktəblərdə oxutmaq gücündə olmadığını bildirir. 

 

Rəy yaz

Cəmiyyət

Taksi sayı azaldılır, bəs köhnə taksiçilər nə ilə dolanacaqlar? – Rauf Ağamirzəyev Çətin sualda



Bizi sosial şəbəkələrdə izləyin

Xəbər lenti