Amerikanın Konnektikut ştatı Xocalı hadisələrini tanıyıb
ABŞ-ın Konnektikut ştatının Baş Məclisi Xocalı qətliamının tanınmasına dair sənəd qəbul edib. Sənəd mayın 8-də Hartford şəhərində Türk Amerikanları Assosiasiyası Şurası və Konnektikut Türk Mədəniyyət Mərkəzi tərəfindən təşkil olunmuş 3-cü illik Türk Gününə həsr olunmuş tədbir zamanı senator Endryu Meynard və Nümayəndələr Palatasının vitse- spikeri Kevin Rayan tərəfindən Azərbaycanın ABŞ-dakı səfirliyinin müşaviri Məmməd Talıbova təqdim edilib.
Bundan əvvəl Amerikanın Pensilvaniya, Missisipi, Men, Texas, Arkanzas, Oklahoma, Nyu Meksika, Tennesi ştatlarının qanunvericiləri də Xocalı hadisələrinin tanınması barədə qətnamələr qəbul ediblər.
Bundan başqa Xocalı hadisələri Meksika və Pakistan parlamentləri tərəfindən tanınıb.
* 1992-ci il fevralın 25-dən 26-na keçən gecə Dağlıq Qarabağın ikinci böyük yaşayış məntəqəsi olan Xocalı şəhəri Rusiya ordusunun 366-cı motoatıcı alayının hərbiçiləri və döyüş texnikasının fəal iştirakı ilə erməni separatçıları tərəfindən işğal edilib. Ümumilikdə 600-dən çox silahsız insan qətlə yetirilib, onların 106 nəfəri qadın, 83 nəfəri uşaq idi. Minlərlə insan müxtəlif dərəcəli əlil olub (76 nəfəri yetkinlik yaşına çatmayanlardır), 1275 nəfər əsir götürülüb. Onlardan 150 nəfərin taleyi hələ də məlum deyil.—06D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz