Mətbuat-Monitorinq 10.05.13

Rəsmi qəzetlər dövlət başçısı İlham Əliyevin II Dünya müharibəsinin Azərbaycandan olan veteranları ilə görüşünü ilk səhifəyə çıxaırb. Bundan əlavə, bu qəzetlər əksər səhifələrini mərhum dövlət başçısı Heydər Əlyevin 90 illik yubileyinə dair yazılara həsr ediblər. 

“Azadlıq” qəzeti parlament sədri Oqtay Əsədovun su biznesinə girişdiyini manjetə çıxarıb və bu biznesin nazir Kəmaləddin Heydərovun, general bəylər Əyyubovun inhisarında olduğü üçün “üz-üzə” gələcəkləri qənaətini ifadə edir.

Oğlunun saxlandığı Yetkinlik Yaşına Çatmayanlar üçün islah müəssisəsində “açıq qapı” günü ilə bağlı bura gələn AXCP Cəlilabad rayon təşkilatının sədri Təzəxan Mirələmli müəssisədəki problemlər barədə danışdığı üçün özü və kiçik oğlu Vasif Mirələmov döyülərək xəsarət alıblar. 

Vəkil Aslan İsmayılov Vəkillər Kollegiyasından çıxarılmasını “siyasi sifariş” kimi dəyərləndirib. 

Həbsdə olan keçmiş deputat Gülər Əhmədovanın vəkili Raqif Mustafayev bildirib ki, sağlıq durumu ilə bağlı keçmiş deputatın müalicəyə ciddi ehtiyacı olsa da Penitensiar Xidmət rəhbərliyi heç bir əsas gətirmədən onu müalicə müəssisəsinə köçürmür. 

“Yeni Müsavat” Xaçmaz rayonunun Xudat qəsəbəsində yol qəzası ilə bağlı hərbçi zabitin söyüş söyməsinin Xaçmazı ayağa qaldırmasını ilk səhifəyə çıxarıb. 

Qəzet Bakı Şəhər İcra Hakimiyyətinin başçısı Hacıbala Abutalıbovun “jurnalist görəndə elə bil qəbirdə ölü görürəm” ifadəsini “Hacıbala Abutalıbovdan şizofrenik açıqlama” kimi dəyərləndirir.

Dövlət Neft Şirkətinin Hüquq İdarəsi 3 minə yaxın evin söküləcəyi haqda məhkəmə qətnaməsinin olduğunu təsdiq edib.

“Bizim yol” Dövlət Qulluğu Məsələləri üzrə Dövlət Komissiyasının Dövlət Əmlak Komitəsinin sədri Kərəm Həsənova davamlı müraciətinə baxmayaraq, komitə bu quruma inzibati bina verməkdən imtina edir.

İqtidarın “Gül bayramı”na azı 150 milyon manat xərclədyi bildirilir. 

2009-cu ildə ADNA-da baş vermiş terror qurbanlarını anma aksiyasına qatıldıqlarına görə müvəqqəti saxlanma təcridxanasında saxlanılan 3 siyasi fəalın saçlarının zorla qırxdırılmasına etiraz olaraq vəkil Qurban Məmmədli və Vidadi İsgəndərov da saçlarını qırxdırıblar.