![Mətbuat-Monitorinq 10.07.13](https://turan.az/resized/750/500/resize/media/2013/main/070900042077.jpg)
Mətbuat-Monitorinq 10.07.13
Rəsmi və iqtidaryönlü qəzetlər dövlət başçısı İlham Əliyevin Ağstafa rayonunun sosial inkişafı üçün 2 milyon manat vəsaitin ayrılması haqda sərəncamının mətnini dərc edib.
Bundan əlavə, bu qəzetlərdə “Miqrasiya haqqında” qanunun mətni, Gömrük Komitəsi Akademiyasının nizamnaməsi əksini tapıb.
Rəsmi və iqtidaryönlü qəzetlərdə Milli Şura, aparıcı müxalifət partiyalarının əleyhinə bir sıra məqalələr əksini tapıb.
“Azadlıq” qəzeti Əliyevlərin saxta seçkinin dünya birliyi tərəfindən qəbul edilməyəcəyini qəti bildikləri üçün yaranan narahatlığı “hakimiyyətin seçki təlaşı” kimi şərh edir.
Qəzet deputat Mehriban Əliyevanın namizədliyinin irəli sürülməsinin iqtidar düşərgəsində qeyri-müəyyənlik yaratmasına diqqət çəkir.
Hüquqşünas Müzəffər Baxışov ölkənin hüquq sisteminin 100% korrupsiyaya uğradığını yazaraq ölkədə pulsuz hansısa prosesi həll edəcək məhkəmə orqanının qalmadığını bəyan edib.
Milli Şura Rüstəm İbrahimbəyovdan başqa prezidentliyə namizədin olmasını iqtidarın R.İbrahimbəyovu qeydə almamağa “şirnikləndirmə” kimi dəyərləndirib.
Dövlət yol polisi iyun ayındakı yol qəzalarında 113 nəfərin ölməsi, son 6 ayda isə yollarda 556 nəfərin həlak olması haqda açıqlama yayıb.
“Zerkalo” Moskvanın Bakı-Tbilisi-Qars dəmiryolu tikintisini önləməsini “Kremlin diversifikasiyanı ancaq rusca başa düşməsi” kimi dəyərləndirir.
Qəzet ölkədə 70-dən çox səfirliyin olduğunu, Azərbaycanın dünyanın 170 ölkəsilə diplomatik əlaqələr saxladığını bildirir.
“Ekspress”. Güney Azərbaycanda Urmi gölünün quruması 3 milyon insanın işsiz qalmasına və köçkün düşməsinə səbəb olub.
“Exo” rəsmi mənbələrə istinadən bildirir ki, bu ilin 6 ayı ərzində baş vermiş 1366 yol qəzası hadisəsində 1452 nəfər xəsarət alıb, 556 nəfər həlak olub.
“Novoe Vremya” rəsmi Bakının eks-deputat Hüseyn Abdullayevə qarşı müxtəlif ittihamlar irəli sürməsinə “indi də H.Abdullayev qanunsuz bines fəaliyyətində ittiham edilir” mövqeyini bildirir.
“Bizim yol” Vergilər Nazirliyinin eks-deputat Hüseyn Abdullayevə 8 milyon manatlıq ittiham üirəli sürməsini önə çəkib.
Milli Şuranın “vahid prezidentliyə namizədi var, başqa ehtiyat və digər namizəd olmamalıdır” mövqeyinə Müsavat Partiyası başqanı İsa Qəmbər bu halda qurumun seçkidən kənarda qala biləcəyini deyərək partiyanın taktikasını dəyişməyəcəklərini bildirib.
“Yeni Müsavat” Milli Şuranın toplantısından sonra keçirilən mətbuat konfransında qurumda “vahid namizəddən başqa namizəd olmamalı” bəyanatını Milli Şura ilə Müsavat Partiyası arasında “iplərin gərilməsi” adlandırır.
Qəzet ölkənin mətbuat yayımının durumuna “Qasid” qəzetlərə borcunu ödəyə bilmir, yeni köşklər qəzet satmır, alternativ mətbuat yayımı yaratmaq da mümkün deyil” mövqeyini ifadə edir.
“Bakı Xəbər” yazır ki, Rusiyada naxçıvanlılarla seçki işi aparmaq üçün Frenk Elkaponi seçilib.
-
- Bazarların icmalı
- 10 İyul 2013 11:44
-
- Söz istəyirəm
- 10 İyul 2013 12:17
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz