Mətbuat-Monitorinq 10.12.12

Rəsmi qəzetlər ölkənin iqtisadi həyatının inkişafı ilə bağlı yazılara geniş yer veriblər.

“Azadlıq” qəzeti yazır ki, AXCP sədri Əli Kərimliyə sui-qəsd təşkil olunması barədə “Millətim” qəzetində açıqlamalarını dərc etdirən, hazırda həbsdə olan üçqat dünya çempionu Bəhlul Muradov qəzetə təkzib məktubu göndərib, özünü isə karserə salıblar, “Millətim” qəzeti təkzibə baxmayaraq açqılamanın əslinin saxlandığını nəzərə çatdırır.    

Dekabrın 10-da gözlənilən akisyada AXCP sədri Əli Kərimlinin iştirakçıları polislə qarşıdurmaya çağırması haqda hökumətyönlü medianın yaydığı xəbərləri ekspertlər “yalanla ictimai gündəmi dəyişmək cəhdi”  adlandırıblar. 

Keçmiş dövlət başçısı Heydər Əliyevin vəfatının növbəti ildönümü ilə bağlı dekabrın 13-də Türkiyədə keçiriləcək tədbirə bu ölkədə təhsil alan tələbələrin qatılması tələb olunur, iştirak etməyəcək tələbələr adlarının Təhsil Nazirliyinə bildiriləcəyi ilə hədələnirlər. 

Hüquq müdafiəçisi Eynulla Fətullayevə görə, keçmiş nazirlər Fərhad Əliyev və Əli İnsanov əfv ərizıəsi yazsalar da belə əfv edilməyəcəklər.    

Nəqliyyat Nazirliyinin 2009-cu ildə Tbilisi prospektində istifadəyə verdiyi tunel uçmaq təhlükəsi qarşısındadır. 

ATƏT-in fəaliyyətdə olan rəhbəri Eymon Gilmor Qarabağ münaqişəsinin konsensus əsasında tənizmlənməli olması haqda bəyanat səsləndirib. 

“Yeni Müsavat” qəzeti yazır ki, yaydığı videolarla iqtidarın daxilinə çaxnaşma salan keçmiş rektor Elşad Abdullayevi onu “kiminsə əlində alət” adlandıran PA rəhbəri Ramiz Mehdiyevə “mən alət deyiləm, başıma gələnlərə görə günahkar sənsən və istefa verməlisən” cavabını verib. 

Adi yol qəzasına görə gənc müsavatçı Nigar Yaqublunun bərəsində seçilmiş həbs qətimkan tədbirinin dəyişdirilməsi haqda bir qrup deputatın müraciətinin nəzərə alınmamasını bəzi deputatlar “həbsin siyasi motivli olması” ilə əlaqələndiriblər. 

Xalq hərəkatının tanınmış simalarından Nemət Pənahlı 5 gündür ki, həbsxanada kartserə salınıb. 

“Bakı Xəbər”  RF-in “Cənub axını” qaz kəmərinin çəkilşişinə start verməsini ekspertlərə istinadən “Rusiya qazını Azərbaycandan iki il qabaq Avropa  bazarlarına çıxarmaq” cəhdi kimi dəyərləndirir.