![Müxalifət etiraz aksiyasını Fəvvarələr Meydanında keçirəcək](https://turan.az/resized/media/2012/main/120900020796-750-500-resize.webp)
Müxalifət etiraz aksiyasını Fəvvarələr Meydanında keçirəcək
Müxalifət dekabrın 10-da Beynəlxalq İnsan Haqları Günü münasibətilə keçirəcəyi aksiyanın yerini dəyişib. Öncə aksiyanın saat 14:00-da Milli Məclisin qarşısında keçirilməsi planlaşdırılırdı. Lakin meriya aksiyaya icazə vermədiyindən təşkilatçılar onu bazar ertəsi saat 14:00-da Fəvvarələr Meydanında keçirməyə qərar veriblər. Bu barədə Müsavat Partiyasının fəalı Mustafa Hacıbəyli məlumat verib.
Beynəlxalq İnsan Haqları Günündə aksiyanın keçirlməsinin təşəbbüsçüsü Müsavat Partiyasıdır. İctimai Palata da bu qərarı dəstəkləyib.
Aksiya “Siyasi məhbuslara azadlıq!”, “Toplaşma azadlığına məhdudiyyətlərə son qoyulsun!”, “Saxta parlament buraxılsın!”, “Fikir, söz və ifadə azadlığının sərhəddi yoxdur”, “Vicdan azadlığı hər kəsin hüququdur!”, “İnsan hüquqlarına hörmət edin!” şüarları ilə keçiriləcək.
Öz növbəsində Bakı Şəhər Baş Polis İdarəsindən xəbərdarlıq edilib ki, icazəsiz etiraz aksiyası keçirilərsə qarşısı alınacaq.
Cümə günü bir qrup təşkilatçı Bakı Şəhər Baş Polis İdarəsində çağırılıb. Qurumun rəis müavini Səhləb Bağırov və Bakı prokurorunun müavini Fazil Həsənəliyev onlara xəbərdarlıq ediblər. –06B--
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz