![Naxçıvanda daha bir jurnalistə - H.Mehdiyevə təzyiq edilir](https://turan.az/resized/750/500/resize/media/2012/main/120900020792.jpg)
Naxçıvanda daha bir jurnalistə - H.Mehdiyevə təzyiq edilir
Reportyorların Azadlığı və Təhlükəsizliyi İnstitutunun Naxçıvan müxbiri Həkimeldostu Mehdiyev Naxşıvan şəhər Polsi Şöbəsinə aparılıb. Ona qarşı yol-nəqliyyat hadisəsi törətmək ittihamı ilə inzibati işin təhqiqatı başlanılıb və bu, 10 gün davam edəcək. Jurnalistin avtomobili cəza meydançasına aparılıb.
Mehdiyevə qarşı iş bir taksiçinin şikayəti üzrə başlanılıb. Guya jurnalist onun maşınını vurub, deyə regional QHT və Demokratiyanın İnkişafı Resurs Mərkəzinin rəhbəri Məlahət Nəsibova bildirib.
Amma polisin bildirdiyi qəza vaxtı Mehdiyevin maşını yerli yeməkxanaların birinin dayanacağında olub. Jurnalist qohumları ilə orada nahar edirmiş. Şikayətçinin özü polisə gəlməyib. Polislərin sözlərinə görə, «o, Ordubada müştəri aparırmış».
Mehdiyevin maşınında heç bir qəza izi yoxdur.
Axşam tərəfi jurnalisti buraxıblar və deyiblər ki, bazar ertəsi 9.00-da yenə polisə gəlsin. Yerli fəalların sözlərinə görə, Mehdiyevi dünən Sədərək gömrükxanasında baş verən insidentə görə təqib edirlər. Orada biznesmen Məhəmməd Qurbanovun hüquqlarının pozulması araşdırılarkən yerli jurnalistlərə təzyiq edilib.
Mehdiyev jurnalist İlqar Nəsibov və Elman Abbasova çəkiliş aparmaqda kömək edib. Sonra onları hadisə yerindən öz maşınında aparıb.
Jurnalistlərdən alınan videokamera və diktofonlar hələ qaytarılmayıb. Məlahət Nəsibova, İlqar Nəsibov, Elman Abbasov və Həkimeldostu Mehdiyev bazar günü onları izlədiklərini hiss ediblər.
Şənbə günü Sədərək gömrükxanasında saxlanılan biznesmen Məhəmməd Qurbanov və onun kürəkəni Nadir Məmmədova gəlincə, qohumlarına onların taleyi barədə heç nə deyilmir.
Qeyri-rəsmi məlumata görə, onlar Sədərək Polis Şöbəsində saxlanılır. Qurbanov və Məmmədovun avtomobilini orada görüblər. Amma Sədərək polisi onların saxlandığını inkar edir.
Mehdiyev peşə fəaliyyətinə görə əvvəllər də dəfələrlə fiziki təzyiqə və cərimələrə məruz qalıb. –06B--
-
- Sual-cavab
- 9 Dekabr 2012 15:26
-
- Siyasət
- 9 Dekabr 2012 19:46
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz