Mətbuat-Monitorinq 11.04.14
Rəsmi qəzetlər dövlət başçısı İlham Əliyevin qəbulları, Naxçıvanın sosial-iqtisadi inkişafı üçün 5 milyon manatın ayrılması, bəzi şəxslərə fəxri adların verilməsi, inşaat işçilərinin dövlət mükafatları ilə təltif olunmaları haqda imzaladığı sərəncamların mətnlərini ilk səhifədə yerləşdiriblər.
“Azadlıq” qəzeti rüşvət müqabilində Azərbaycan manatının Avstriyada çap olunması ilə bağlı Vyanada davam edən məhkəmədə nazirlər Ramil Usubov, Eldar Mahmudovun və Mərkəzi Bankın rəhbəri Elman Rüstəmovun dindirilməsi tələbini ilk səhifəyə çıxarıb.
Araşdırmaçı Bayram Balçı Ərdoğanın Azərbaycanda “Xidmət Hərəkatı”nın fəaliyyətinə son qoyulması tələbinə “hərəkata olan rəğbət üzündən bunun mümkünsüz olması” qənaətini ifadə edib.
Dövlət başçısı İlham Əliyevin ölkədə yoxsulluğun səviyyəsinin azalmasına ekspertlər “son 5 ildə ünvanlı yardım alanların sayı 370 min nəfər artıbsa, yoxsulluğun səviyyəsi necə azala bilər?” qarşılığını veriblər.
“Zerkalo” xarici işlər nazirinin müavini Araz Əzimovun Minsk Qrupu həmsədrlərinin fəaliyyətsizliyinə “həmsədrlərin oyundankənar duruma düşmələri” barədə açıqlamasını lik səhifəyə çıxarıb.
“Ekspress” PA rəsmilərinin dövlət başçısı İlham Əliyevin İranə səfərini “münasibətlərin inkişafında yeni mərhələnin təməlini qoyması” kimi dəyərləndirməsini önə çəkib.
“Exo” ekspertlərə istinadən ölkədəki problemlərin kökündə işsizliyin dayandığını yazaraq bu durumdan çıxmaq üçün hər ay 10 min iş yerinin açılması ilə ölkədəki işsizlik və cinayətkarlıq problemini həll etməyin mümkünlüyünü nəzərə çatdırır.
“Novoe Vremya” Azərbaycanda “anti-Rusiya isterikası” yaşandığını iddia edərək “anti-Rusiya isterikası kimə lazımdır?” sualını gündəmə gətirir.
“Bizim yol” Bakı ilə Ankara pay bölgüsünü razılaşdıra bilmədikləri üçün TANAP layihəsinin təxirə salınmasını “Türkiyədən şok qərar” adlandırır.
Qəzetin yazdığına görə, “Sovetski” məhəlləsi sakinlərindən heç kəs iqtidarın söküntü ilə bağlı təklif etdiyi kompensasiyalarla razılşamayıb.
“Yeni Müsavat” azərbaycanlı milyarder İsgəndər Xəlilovun oğlunun Ermənistanın keçmiş prezidentinin şəriki olduğu şirkətə direktor seçilməsi xəbərini önə çıxarıb.
Qəzetin iddiasına görə, Naxçıvanda icra edilən iri layihələrdən ölkənin büdcəsinə gəlməli olan vəsaitlər Fətullah Gülənin “Xidmət Hərəkatı”nın bank hesablarına axıb.
Adlarına külli miqdarda enerji borcu yazılan Sabirabad və Saatlı sakinləri buna etiraz olaraq aksiya keçirib. Salyanda gəncləri tərəflərinə çəkdiklərinə görə vəhabilərlə yerli sakinlər arasında qarşıdurma yaranıb.
Türkiyənin TANAP qaz kəməri çəkilişinin təxirə salmasını qəzet “Bakı ilə Ankara arasında anlaşılmazlığın yaranması” kimi dəyərləndirir.
-
- Cəmiyyət
- 10 Aprel 2014 19:16
-
- İqtisadiyyat
- 11 Aprel 2014 12:09
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz