Mətbuat-Monitorinq 11.09.13

Rəsmi və iqtidaryönlü qəzetlər dövlət başçısı İlham Əliyevin Yevlax, Bərdə rayonlarına və Naftalan şəhərinə səfərləri haqda yazır. Bu qəzetlər İ.Əliyevin Yardımlı rayonunun sosial inkişafı və yol çəkilşi üçün üst-üstə 4 milyon manat vəsaitin ayrılması haqda sərəncamının mətnini dərc ediblər.  

“Azadlıq” qəzeti Milli Şuranın prezidentliyə vahid namizədi Cəmil Həsənlinin Yardım Fonduna maliyyə dəstəyi göstərib. 

Azərbaycanın milli-azadlıq hərəkatının ünlü isimlərindən Məhəmməd Hatəmi bütün hərəkatçıları prezidentliyə namizəd Cəmil Həsənliyə səs verməyə çağırıb. 

Seçki prosesi ilə bağlı cəmiyyətə müraciət edən ictimai xadimlər xalqı, o cümlədən, ziyalıları xeyirlə şərin mübarizəsi getdiyi bir vaxtda susmamağa çağırıblar. 

Son vaxtlar stomatoloji kabinetlərə sıxlaşan reydlərin səbəblərini Səhiyyə Nazirliyi qanunsuz fəaliyyət göstərən kabinetlərin çox olması, ekspertlər isə bu sahənin inhisara alınması cəhdi kimi dəyərləndirir. 

“Zerkalo” ölkə vətəndaşlarının bu ilin yay mövsümündə Türkiyə, Rusiya və Gürcüstanda istirahət etməyə üstünlük verdiklərini qeyd edir.   

“Ekspress” İran tərəfinin Nizaminin Azərbaycan şairi yox, fars şairi olması iddiasına Azərbaycan XİN “Nizami Azərbaycan şairidir və bu müzakirə obyekti belə ola bilməz” cavabını verib. 

“Exo” yol polisinin açıqlamalarına istinadən yazır ki, 2013-cü ilin ötən 8 ayı ərzində paytaxtda baş vermiş 657 yol qəzasında 247 nəfər həlak olub, 697 nəfər müxtəlif dərəcəli bədən xəsarətləri alıb. 

“Bizim yol” yazır ki, “Texnikabank”da 38 milyon manat əmanətləri batan əmanətçilər məhkəmə-hüquq sistemini qanunsuzluqda ittiham edirlər.

“Yeni Müsavat” Qərbin Azərbaycanda gənclərdən ibarət yeni müxalifət yaratmaq səyləri göstərdiyini yazaraq bunu klassik müxalifətin dağınıq halda olması və komanda kimi formalaşa bilməməsilə əlaqələndirir. 

Tanınmış vəkil Aslan İsmayılov vəkillik statusunun ləğv olunması haqda məhkəmə qərarını “məhkəmənin sifariş yerinə yetirməsi” adlandırıb. 

Faktlar əsasında “Azərenerji”nin bir əməkdaşının ezamiyyə xərclərinin 350 min manat olduğunu yazan qəzet bu qurumun daxili borclarının Nazirlər Kabineti tərəfindən silindiyini nəzərə çatdırır. 

Qəzet yeni dərs ilinin başlanması ilə bağlı kirayə mənzil bazarında qiymətlərin kəskin qalxdığını bildirir. 

“Bakı Xəbər” yazır ki, Qarabağ müharibəsində həlak olan şəhidlərin siyahısına xeyli təsadüfi adlar daxil edildiyi üçün Səfərbərlik Xidməti bu siyahını yendən tərtib etməyi nəzərdə tutur.