Mətbuat-Monitorinq 12-13.05.13

Rəsmi qəzetlər ölkə iqtisadiyyatının inkişafı və “radikal müxalifət” adı qoyduğu aparıcı müxalifətə şər, böhtan, iftira olan yazılara geniş meydan veriblər. 

“Azadlıq” qəzeti ölkə həbsxanalarında olan 20 vicdan məhbusunun fotolarını səhifəsində yerləşdirməklə onlara azadlıq tələb edir.

Qəzet iqtidar daxili mübarizəni ön plana çıxarıb. Dövlət Əmlak Komitəsinin sədri Kərəm Həsənovun Torpaq Komitəsini ələ keçirməyə çalışdığı və bunun PA rəhbəri Ramiz Mehdiyevin adamına qarşı “savaş” olması qeyd edilir.

Xarici mətbuat da Əliyev rejiminə tənqidi davam etdirir, belə ki, alman qəzetləri Əliyevlərə lobbiçilik etdiyinə görə keçmiş xarici işlər naziri Hans Ditrixi sərt tənqid edib. 

Qəzet dövlət başçısı İlham Əliyevin eks-prezidentlərin statusu haqqında qanuna əlavələrlə onların səlahiyyətlərini artırmasını ekspertlərə istinadən “İ.Əliyevin hakimiyyətdən getməyə hazırlaşması” adlandırır. 

Ermənilər “erməni soyqımı”nı ABŞ Ali Məhkəməsinə çıxarmasını prezident Obamanın tənqidi ilə üzləşib və ABŞ prezidenti məhkəməni bu işə baxmamağa çağırıb. 

1994-cü il mayın 12-də Ermənistanla Azərbaycan arasında imzalanan “atəşkəs”dən 19 il keçir və bu “atəşkəs dövründə” 6 mindən çox hərbçi həlak olur. 

Zaqatala-Balakən bölgəsində baş vermiş zəlzələnin dağıntılarını aradan qaldırmaq üçün 420 miyon manat vəsaitin ayrılmasına baxmayaraq, hələ də nəticə olmamasına qəzet “420 milyona abad olmayan zəlzələ bölgəsi” mövqeyini ifadə edir. 

Vəkil Aslan İsmayılovun hər hansı əsas olmadan Vəkillər Kollegiyasından azad olunmasına cavab olaraq vəkil Qurban Məmmədov qurumu “kommunist əxlaqı və rejiminin qalığı adlandırıb”, bütün vəkilləri bu qurumdan istefaya çağırıb. 

“Yeni Müsavat” “Azəriqaz”ın başçısı Əkbər Hacıyevin yaxın günlərdə işdən çıxarılacağı, şirkətin naxçıvanlı olan əməkdaşlarının kütləvi şəkildə işdən qovulmalarını ön plana çıxararaq bunu “daxili “müxalifət”in zərərləşdirilməsi” kimi şərh edir. 

Qəzetin iddiasına görə, xüsusi xidmət orqanları Gəncə şəhər icra başçısı Elmar Vəliyevin fəaliyyətinin gizli detalları barədə siyasi rəhbərliyə hesabat təqdim edib, sənəddə əsas xətt budur ki, Gəncədə seçkiöncəsi durum iqtidar namizədinin xeyrinə deyil. Gəncə şəhərilə bağlı materillar dərc edildiyinə görə qəzetin redaktor müavini Azər Ayxanın ünvanına mobil telefonlardan hədə gəlməyə başlayıb və A.Ayxan bu məsələdə Gəncə şəhər icra başçısı Elmar Vəliyevin adını hallandırır.

Bakıda kürd dilində nəşr edilən “Diplomat” qəzetinin çapına qadağa qoyulub və məhrum dövlət başçısı Heydər Əliyevin 90 illik yubileyi ilə bağlı materiallardan ibarət xüsusi buraxılışa imkan verilməyib. 

Bakıda daha bir ev fırıldağı üzə çıxıb, “Fateh-N”mənzil tikinti şirkəti ev tikintisini yarımçıq saxlayaraq qaçıb, ev almaq üçün şirkətə pul verənlər aksiya keçiriblər. 

“Bakı Xəbər” Kiyevdə bir qrup erməninin azərbaycanlı iş adamı Elşən Əzimova hücum edərək ona ağır fiziki xəsarət yetirdiklərini bildirir.

Azərbaycan ədəbiyyatşünas alimlərinin bir qrupu ədəbiyyatşünas Xalidə Xalidin İranda həbsini “rəsmi Tehranın iki Azərbaycan arasında elmi əlaqələrin qurulmasından narahatlığı” kimi şərh ediblər.