Rəsmi qəzetlər Salyan rayonunun Çuxanlı-Gəncəli-Piratman-Parça Xələc-Seyidan avtomobil tikintisilə bağlı Salyan Rayon İcra Hakimiyyətinə 3 milyon manat vəsaitin ayrılması haqda sərəncamın mətnini ilk səhifələrə yerləşdiriblər.
“Azadlıq” qəzeti ABŞ-ın məşhur xarici siyasət jurnalı “Foreign Policy”nin Əliyevləri kəskin tənqid etməsini günün əsas olayı sayır və bunu “sarsıdıcı zərbə” adlandırır.
İdarəetmə qurumları arasında gəlir üstə qarşıdurmaların olduğunu göstərən qəzet bir vaxtlar Bakıya avtobusları Bakı meriyasına məxsus “İveco Baku” şirkətinin, indi isə bu işi Nəqliyyat Nazirliynə tabe “Baku Bus” şirkətinin icra etdiyini nəzərə çatdırır.
Qəzet rəsmi Bakının “Qərb, yoxsa Rusiya” seçimində tərəddüd etdiyini, dəvət alsa da RF layihəsi olan Avrasiya İqtisadi İttifaqına qoşulmamasını “ehtiyatlı mövqe” kimi dəyərləndirir.
Qəzet Bakı, Sumqayıt və Abşeron rayon orta məktəblərinin IX siniflər üçün keçirilən buraxılış imtahanlarında şagirdlərin 35 %-nin “3” qiymət almasını “rüsvayçı nəticə” adalndırır.
ABŞ Helsinki Komissiyasının Azərbaycanla bağlı keçirdiyi dinləmələrdə ölkədə insan haqları, vətəndaş cəmiyyəti institutlarının fəaliyyəti sahəsində ciddi problemlərin olması mövqeyi ifadə edilib.
“Ekspress” PA-nın şöbə müdiri Novruz Məmmədovun Azərbaycanın “hələlik” Avrasiya İqtisadi İttifaqına qoşulmaması haqda açıqlamasını önəmli hadisə sayaraq önə çəkib.
Gəncədəki qasırğanın şəhərə vurduğu ziyanın həcmini şəhər sakinləri “Gəncənin tarixində belə böyük fəlakət olmayıb” açıqlaması ilə ifadə ediblər.
Naxçıvanda hərbi yük maşınının minik avtomobili ilə toqquşması nəticəsində minik avtomobilindəki 5 nəfər ölüb, 3 nəfər ağır yaralanıb.
Rəsmi Bakı Rusiyanın nəzarətində olan Gürcüstanın tərkib hissəsi Cənubi Osetiyada keçirilən parlament seçkilərinin nəticələrini tanımadığını bəyan edir.
“Bizim yol” Bakının yeni Baş Planında şəhərin mərkəzi hissəsindəki ali məktəblərin, ticarət mərkəzlərinin, neftayırma zavodlarının köçürülməsinin nəzərdə tutulduğunu ilk səhifəyə yerləşdirib.
Qəzet Bakıda 70 marşrutda kart sisteminin tətbiq olunduğunu bildirir. Nəqliyyat Nazirliyi kartla gediş haqqını qəbul etmək istəməyən sürücülərin cəzalandırılacağı barədə xəbərdarlıq edib.
“Yeni Müsavat” isə iqtidardaxili mübarizənin ölkə sərhədlərini aşması mövzusunu əsas sayır, bu savaşda tərəflərin Avropa və ABŞ mediasına kompromatlar ötürdüklərini bildirir.
Müalicə üçün İrana gedən Azərbaycan vətəndaşlarını İran sərhədçilərinin qəfəsə saldığını yazan qəzet bunu “görünməmiş rəzalət” adlandırır.
Qəzet cəmiyyət üçün əhəmiyyəti olmayan Azərbaycan kriminal qruplarının Türkiyədə bir-birini qırdığını, Türkiyə polisinin həbslər apardığını bildirir.
Ekspertlər Azərbaycanın Kremlin layihəsi olan Avrasiya İqtisadi İttifaqına qoşula bilməsini “dövləti müstəqilliyin süqutu” sayaraq rəsmi Bakını bu quruma “yox” deməyə çağırıblar.
Nəqliyyat müffətişlərinin rüşvət tələb etdiklərini deyən Türkan sakini, taksi sürücüsü Vüqar Əmirov “haqq istəyən”lərin səslərini yazdığını da bildirir.
Cəmiyyət
-
2024-cü ilin iyul ayında Dövlət Sərhəd Xidməti tərəfindən dövlət sərhədini pozduqlarına görə 22 nəfər saxlanılıb. Onlardan 13-ü Azərbaycan, 3-ü Pakistan, 2-si İran, 2-si Mərakeş, 1-i Türkiyə, 1-i Banqladeş vətəndaşıdır.
-
Şuşa şəhərdaxili nəqliyyat üçün ilk sərnişin avtobusunu təqdim edib və bu, daha ekoloji təmiz şəhər nəqliyyat sisteminə doğru bir addım idi.
-
Cümə günü günorta saatlarında Bakı-Sumqayıt yolunda iki marşrut avtobusunun toqquşması nəticəsində 20 nəfər xəsarət alıb.
-
Bakıda avqustun 3-də yağıntı olmayacaq, şimal-qərb küləyi əsəcək. Havanın temperaturu gündüz +30+35 dərəcə, rütubət 45-55% təşkil edəcək. Ölkənin bəzi yerlərində yağıntılı olacağı, dağlıq ərazilərdə intensiv olacağı gözlənilir.
Rəy yaz