Azərbaycan Neft Fondu 2014-cü ildə Çin valyutasına $1,8 mlrd yatırım edəcək

Azərbaycan Neft Fondu bu il Çin yuanına $1,8 mlrd yatırım edəcək Bu barədə "Financial Times"a Fondun rəhbəri Şahmar Mövsümov bildirib.

Onun sözlərinə görə, ARDNF bu barədə artıq müraciət edib.

"Bu valyutanın əhəmiyyəti artmaqdadır. Onda yuana niyə yatırım etməyək? Artıq hazırlıq işləri başa çatır", - deyə Mövsümov bildirib.

Beynəlxalq Valyuta Fondunun məlumatına görə, mərkəzi bank və suveren fondların aktivləri 11,7 trln dollara yaxındır. Onların çoxu dollar və avro ilədir. Təxminin hesablamalara görə, Çin yuanı ilə 48 mlrd dollar və ya məcmu aktivlərin 0,5%-i saxlanılır.

ARDNF rəhbərinin sözlərinə görə, ötən ilin sonunda portfelində valyuta payını (dollar, avro və funt istisna) 5%-dən 10%-ə artırmaq barədə qərar qəbul edib.

"Əlavə 5% və ya 1,8 mlrd dollar başqa valyutalara qoyulacaq. İlin sonuna kimi sərbəst həcmi yuana qoyacağıq", - deyə Mövsümov bildirib və əalvə edib ki, Fond Çin valyutası ilə istənilən aktivlər üçün investisiyaya açıqdır.

ABŞ və Avropada faiz dərəcəsinin artım perspektivi ARDNF-ni məcbur edib ki, istiqrazlara yatırımda ehtiyatlı olsun, deyə o bildirib.

"Bu trend qızıl alışı proqramının dayandırılması ilə nəticələndi. Dünya iqtisadiyyatı bərpa olunanda qızılın qiyməti düşəcək", - deyə ARDNF rəhbəri bildirib.

ARDNF 1999-cu ildə yaradılıb. O vaxt aktivləri 271 mln dollar idi. 1 aprel 2014-cü il üçün ARDNF-nin aktivləri ilin əvvəli ilə müqayisədə ($35 877,5 mln) 2,07% artaraq $36 618,4 mln olub. –0--