2013-cü ildə Almaniya Azərbaycan, Gürcüstan və Ukraynaya silah ixracına dair müraciətləri qəbul etməyib

Tbilisi/Turan-BSPRESS: 2013-cü ildə Almaniya silah ixracını təxminən dörddə bir hissə artırıb. Bu barədə Almaniya İqtisadiyyat və Energetika Nazirliyinin hesabatında deyilir. Hesabat çərşənbə günü AFR hökumətinin iclasında təqdim edilib. Əsasən ixrac Səudiyyə Ərəbistanı və Qətərlə ticarətin hesabına artıb və ümumi həcmi 5,8 milyard avto təşkil edib. 

İqtisadiyyat naziri Ziqmar Qabriel bildirib ki, hökumət gələcəkdə təqdir edilmiş bütün daşınmalar barədə məlumat verə biləcək, lakin silah konsernlərinin ixrac üçün qəbul edilməmiş müraciətlərinin hamısını açıqlamayacaq. Buna səbəb silah konsernlərinin ticarər maraqlarında məxfiliyə əməl olunmasının vacibliyidir. Eyni zamanda nazir deyib ki, əvvəllər heç zaman AFR hökuməti silah ixracı haqqında bu qədər açıq danışmayıb.

Sənəddə qeyd olunur ki, 2013-cü ildə AFR-dən silah ixracı üzrə 71 müraciət təmin edilməyib. Qəbul edilməyən nüraciətlərin ümumi dəyəri 10,04 milyon avro təşkil edib. O cümlədən ixrac üçün icazə verilməyən ölkələr sırasında Azərbaycan, Gürcüstan, İran, Qazaxıstan, Ukrayna da olub.

Lakin hesabata əlavədən məlum olur ki, Ukraynaya ixrac olub. Bunlar əsasən idman və ov tüfəngləri olub. Azərbaycan və İran satış silahına embarqo qoyulan ölkələr sırasına daxildir. Bu siyahıda Çin, İraq, Livan, Liviya, Sudan, Suriya, Belarus da yer alıb. -02D-