Mətbuat-Monitorinq 12.09.15

Rəsmi qəzetlər dövlət başçısı İlham Əliyevin Qazaxıstana səfərinə dair reportajları ilk səhifədə yerləşdiriblər.

Avropa Parlamenti Azərbaycanla bağlı təniqdi qətnamə qəbul etdiyinə görə “Azərbaycan” qəzeti” bu qurumu təhqirə qədər məruz qoyan ayrı-ayrı 6 məqalə dərc edib. Bu məqalələrdə Avroparlament “erməniliyin əsas müdafiəçisi”, “müxtəlif dairələrin əlində oyuncağa çevrilməsi”, “anti-Azərbaycançı məkrli mərkəz” kimi dəyərləndirilir. Təqribən eyni məzmunlu daha 4 məqalə “Respublika” qəzetində yer alır. “Xalq qəzeti” isə Avroparlamenti tənqid və təhqirə məruz qoyan 5 məqalə dərc edib.    

“Azadlıq” qəzeti Avropa Parlamentinin arxasınca ATƏT-in də Azərbaycanda parlament seçkilərini müşahidədən imtina etməsini “Qərbin seçkilərin nəticəsini tanımayacağı” kimi dəyərləndirərək manjetə çıxarıb.

Avropa Parlamentinin Azərbaycanla bağlı qətnaməsinə rəsmi Bakının reaksiyasını qəzet “Avroparlamentin hakimiyyəti isterikaya salması” adlandırır.

Avropa Parlamentinin Azərbaycana aid qətnaməsinə görə rəsmi Bakının Avropa ilə əlaqələri kəsmək istəməsinə ekspertlər bu bölgə ilə iqtisadi əlaqələri nəzərdə tutaraq “Avropa çıxar gedər, biz məhv olarıq” şərhi veriblər. Dövlət başçısı İlham Əliyevə demokratik seçki keçirmək mühiti yaratmaq, insan haqlarına hörmət təklifləri göndərən AXCP sədri Əli Kərimli son olaraq “bu təklifləri qəbul etməsiniz bir gün mütləq peşiman olacaqsınız” xəbərdarlığı edir.

İŞİD hakerlərinin “Əmrahbank”ın saytını dağıtmasını sıradan hadisə saymayan ekspertlər lazım gəldikdə ölkənin bank sistemini iflic hala sala biləcəkləri xəbərdarlığı edirlər.

Hərbi hissə Qazax rayonunda xidmət edən 6 ayın əsgəri Balaəhməd Rüstəmovu erməni tərəfin vurduğunu, valideynləri isə qeyri-döyüş şəraitində öldürüldüyünü iddia edir.

“Ekspress” qəzeti Məkkədə kran aşmasının kütləvi insan ölümülə müşayət olunması haqda xəbəri diqqət mərkəzinə çəkib.

Qəzet bu il ğlkədə 150 min nəfər uşağın birinci sinifə gedəcəyini nəzərə çatdırır.

ABŞ-ın Federal Ehtiyat Sistemi bu il sentyabrın 16-17-də keçircəyi toplantıda faiz dərəcəsini artırdığı halda dolların yüksələcəyi, maliyyə bazarlarının xaosa girəcəyini yazır, bunu həm də “manatın sınaq anı” kimi şərh edir.

“Novoe Vremya” qəzeti Avropa Parlamentinin Azərbaycana aid qətnaməsilə bağlı yaranan qarşıdurmaya “ Azərbaycan-Avropa: sonra nə?” mövqeyi bildirir və rəsmi Bakıya “düşünülüməmiş nəticərlər çıxarmaq yersizdir” xəbərdarlığı edir.

“Bizim yol” qəzeti Avropa Parlamentinin Azərbaycanla bağlı qətnmaəsinə rəsmi Bakının reaksiyasını “rəsmi bakının cavab tədbirlərinə start verməsi” kimi ilk səhifəyə yerləşdirib.

ATƏT rəsmi Bakının müşahidəçi sayına qoyduğu məhdudiyyətlə bağlı parlament seçkilərini müşahidə etməyəcəyi bəyanatı səsləndirib.

Xalq artisti İlham Əsgərovun ölümünü Dram teatrındakı atmosferin nəticəsi sayan bəzi aktyorlar direktor İsrafil İsrafilovu məhkəməyə verirlər.

2016-cı il üçün büdcənin gəlir və xərclərinin azalacağını deyən ekspertlər dövlət maliyyəsinin effektiv idarə edilməsi üçün ictimai iştirakçılığı vacib sayırlar.

“Yeni Müsavat ” qəzeti deputat mandatına görə bəzi rektorların universitet rəhbərliyindən imtina etmələrini ilk səhifəyə çıxarıb.

“Vicdan məhbusları” Sirac və Fərəv Kərimov qardaşlarının atası Raqif Kərimov infarkt keçirərək xəstəxanaya düşüb. Avropa Paramentinin Azərbaycanla bağlı qətnaməsini rəsmi Bakı və tərəfdarları “kazğız parçası”, “düşmənçilik mövqeyi” adlandırsa da müxalif partiyalar bunu hakimiyyətin “beynəlxalq miqyasda təcrid edilməsi” kimi dəyərləndirirlər. 

Qəzet “Atrabank”ın filial müdiri və bəzi əməkdşalarının DYP postuna atilan 145 ədəd maşını saxta yolla sənədləşdirərək külli kiqdarda kredit mənimsədiklərini və işin məhkəmədə olduğunu bildirir. Ekspertlər rayon qeydiyyatında olan avtomobillərin Bakıya buraxılmaması haqda qərarı rişxənd ilə “dünyada analoqu olmayan qərar” adlandırırlar.