Rəsmi qəzetlər Gürcüstan prezidenti Georgi Merqvalişvilinin Azərbaycana səfəri, dövlət başçılarının görüşləri haqda xəbərləri ilk səhifələrə çıxarıblar.
“Azadlıq” qəzeti xariclə əlaqəyə görə bir neçə məmurun həbs edilə biləcəyi iddiasını manjetə çıxarıb.
Rəsmi Bakının antiqərb siyasətini ekspertlər ölkə iqtidarının islahatlara hazır olmaması üzündən Qərbin tələblərinə müqavimət göstərməsilə izah ediblər.
“Sərhədsiz Reportyorlar” təşkilatının hesabatında Azərbaycan söz azadlığının durumuna görə 180 ölkə arasında 161-ci yeri tutub.
Milli Şuranın sədri Cəmil Həsənli “EL” Hərəkatının rəhbəri Eldar Namazovun ittihamlarına “E.Namazov intriqa ustası və yalan vədlər peşəkarıdır” cavabını verib.
“Zerkalo” Gürcüstan prezidentinin Azərbaycan səfəri fonunda iki ölkə arasındakı münasibətləri “bütün istiqamətlər üzrə əməkdaşlıq potensialının artırılması” kimi dəyərləndirir.
“Exo” ABŞ-ın heç bir ölkə, o cümlədən Azərbaycanla casusluqdan imtina haqda saziş imzalamamasına “ABŞ Azərbaycanı müşahidə edir?” sualı ilə mövqe bidlirir.
“Novoe Vremya” Qərbin müntəzəm tənqidlərinə rəsmi Bakının “öz dəyərlərinə sahib olması” kimi sərt reaksiyasına “rəsmi Bakı hansı dəyərlərdən danışır?” sualını ünvanlayıb.
Söz azadlığının durumuna görə Azərbaycanın dünyada sonuncu yerlərdən birini tutmasına qəzet “sözün milli azadlığının xüsusiyyətləri” ironiyası ifadə edir.
“Bizim yol” Mərkəzi Bankın kredit qadağası ilə restoranlara sifarişlərin kəskin azalmasını, restoranlara bağlı istehsal, satış və xidmət sektorunun dayanmaq üzrə olmasını “iqtisadiyyatı iflic etməsi” kimi dəyərləndirir.
Qəzet Lənkəran məhkəməsindən hakimi söyüb təhqir edən, pomidor atan məhkum Mübariz Əliyevin 20 polisin gözündən yayınaraq qaçırıldığını bidlirir.
“Yeni Müsavat” qardaşı oğlunun dəbdəbəli həyatını ictimailəşdirməklə nazir Ziya Məmmədovun “hədəf”ə alınması iddiasını “Z.Məmmədov çarpaz “atəş altında”” qənaətilə ilk səhifəyə çıxarıb.
Mərkəzi Bankın kredit qadağalarını qəzet “Mərkəzi Bank rəhbəri Elman Rüstəmovun inhisarçıların əlində alətə dönməsi” kimi dəyərləndirir.
Bakının tarixi “Sovetski”, “Kubinka” və “Papanin” məhəllələrinin sakinləri evlərin söküntüsünə etoiraz olaraq fevralın 16-na aksiya təyin edib.
Cəmiyyət
-
Noyabrın 14-də şəkərli diabetlə beynəlxalq mübarizə günü idi. Azərbaycanda diabetdən əziyyət çəkənlər üçün pulsuz dərmanların verilməsi nəzərdə tutulub. Nazirlər Kabinetinin qərarına görə, pulsuz dərman Səhiyyə Nazirliyinin təsdiq etdiyi xüsusi formada olan resept nüsxəsində yazılır. Lakin xəstələrə pulsuz dərmanların verilməsində hələ də problemin olduğu ilə bağlı şikayətlər eşidilir.
-
Noyabrın 16-da paytaxtda hava tutqun olacaq, axşama doğru yağış yağa bilər. Səhər və axşam duman olacaq. Mülayim cənub-qərb küləyi şimal-qərb küləyinə keçəcək.
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
Rəy yaz