Mətbuat-Monitorinq 13.06.14
Rəsmi və iqtidaryönlü qəzetlər Xızı rayonunun Xızı-Altıağac avtomobil yolunun tikintisilə bağlı 10 milyon manat vəsaitin ayrılması haqda dövlət başçısının sərəncamınını mətnini, Bakıda Türk Dövlətləri Parlament Assambleyasının V iclasının keçirilməsi haqda xəbərləri ilk səhifələrə yerləşdiriblər.
“Azadlıq” qəzeti həm Qərbin, həm də Rusiyanın rəsmi Bakıdan verdiyi vədləri yerinə yetriməsini tələb etməsini önə çəkərək durumu Əliyev hakimiyyətinin geopolitik məngənədə olması kimi dəyərləndirir.
Avropa Şurası Nazirlər Kabinetinə sədrlik edən Azərbaycanın reklam bannerlərinin yığışdırılmasını yazan qəzet bu faktın rəsmi Bakı ilə AŞ arasında qalmaqal yaratdığını nəzərə çatdırır.
Hüquq müdafiəçisi Leyla Yunus ABŞ Helsinki Komissiyasında Azərbaycanla bağlı keçirilən dinləmələri “mühüm hadisə” adlandırıb.
AXCP-yə icarəyə verdiyinə görə partladılaraq sökülən mülkün sahibi Azər Əsgərov hələ də kompensasiya almamasını nazir Kəmaləddin Heydərovun tapşırığının nəticəsi sayıb.
Rəsmi Bakını korrupsiyada ittiham etdiyinə görə YAP-çı deputat Mübariz Qurbanlı ABŞ-ın “Foreign Policy” jurnalını “nüfuzsuz” adlandırır. Amma qəzet vaxtilə rəsmi Bakını təriflədiyinə görə Diplomatik Akademiyanın saytında jurnalın “nüfuzlu” adlandırılmasını deputatın yadına salır.
Ölkəyə maşın idxalının 35-40% azalmasının büdcə daxilolmalarına təsir etməyəcyi haqda rəsmilərin bəyanatına ekspertlər “ola bilməz ki, idxalda ciddi azalma olsun, amma bu gömrükdən büdcəyə gələn vəsaitə təsir etməsin” cavabını veriblər.
“Ekspress” Ermənisatnın Naxçıvana hücumla bağlı hədələrinə Müdafiə Nazirliyinin “Naxçıvandakı raket sistemi Ermənistanda istənilən hədəfi məhv etməyə qadirdir” mövqeyini manjetə çıxarıb.
Azərbaycan Əlyazmalar İnstitutu Vatikan arxivlərində Azərbaycanla bağlı 153 ədəd yeni tarixi sənəd aşkarlayıb.
BP-Azərbaycan şirkəti 2015-ci ildə Bakıda keçiriləcək I Avropa Oyunlarında sponsor olmaq üçün Oyunların Əməliyyat Komitəsilə saziş imzalayıb.
“Bizim yol” “Meliorasiya və Su Təsərrüfatı” ASC-nin tenderində qalib gələn “Gelişim Group”un Lerikdə su-kanalizasiya xətlərinin çəkilməsini yarımçıq qoymasını, ortada büdcənin 22 milyon manatının yeyilməsini və şirkətin ölkədən qaçmasını önə çəkib.
Öz fərqli adət-ənənələrilə Azərbaycanda fərqlənən Xınalıq kənd sakinləri onların örüşlərində kənar fermerlərin mal-qara otardıqlarını, yerli sakinlərə isə icazə verilmədiyini bildirirlər.
“Yeni Müsavat” Avropa Komissiyasının prezidenti Barrozonun Bakıya səfərini ilk səhifəyə çəkərək bunun “Azərbaycanı Rusiyadan qorumaq modelinin hazırlanması” ilə bağlı olduğunu nəzərə çatdırır.
Qəzet rəsmi Kremlin Azərbaycanı Avrasiya İqtisadi İttifaqına dəvətini, rəsmi Bakının bu dəvətə soyuq yanaşmasını “iki tərəf arasında kritik dönəmin başlaması” kimi dəyərləndirir.
Son 10 ildə yol tikintisinə 20 milayrd manat vəsaitin qoyulduğunu yazan qəzet realda yolların heç yarısının belə təmir olunmadığını, yolların keyfiyyətindən danışmağa belə dəymədiyini iddia edir.
Cəmiyyət
-
Sentyabrın 3-də Bərdə rayonunun Cəyirli kəndində yerləşən yarımtikilidə 2 gün əvvəl itkin düşmüş həmin kəndin sakini, 15 yaşlı qızın meyiti aşkar edilib.
-
Daxili İşlət Nazilriyi əməkdaşları tərəfindən 38 kq narkotik vasitə dövriyyədən çıxarılıb. Bu barədə DİN-in məlumatında deyilir. Lənkəran Şəhər Rayon Polis Şöbəsinin əməkdaşlarının keçirdikləri tədbirlərlə narkotik vasitələrin qanunsuz dövriyyəsini təşkil edən, əvvəllər də eyni əmələ görə məhkum olunmuş 36 yaşlı Babək İsayev saxlanılıb.
-
Milli Hidrometeorologiya Xidmətinin məlumatına görə, sentyabrın 3-də Bakı havasında toz miqdarı normadan 4,5 dəfə yüksək olub. Dünən isə tozun səviyyəsi normadan 3 dəfə yüksək olub. Tozlu hava şəraiti iki gün davam edəcək.
-
Azərbaycan Mərkəzi Seçki Komissiyası (MSK) sentyabrın 1-də keçirilən növbədənkənar parlament seçkilərində seçici fəallığını 37 faiz açıqladı. Amma bəzi müşahidəçilərin iddiasına görə, əslində seçici fəallığı reallıqda 10-15 faiz civarında olub. Ötən parlament seçkilərində isə həmin rəqəm bundan təqribən 10 faiz yüksək olmuşdu.
Parlament seçkilərinə kim necə rəy verdi? – Nəsimi Məmmədli Çətin sualda
Xəbər lenti
-
- Cəmiyyət,
- 13:53
- 340
Rəy yaz