Mətbuat-Monitorinq 13.09.12

 

Rəsmi qəzetlər Türkiyənin baş naziri Rəcəb Tayyib Ərdoğanın Azərbaycana işgüzar səfərinin davam etməsinə geniş yer verib. Bundan əlavə, bu qəzetlərdə Həştərxanda Rusiya-Azərbaycan “dostluq körpüsü”nün açılması barədə yazılıb.   

“Yeni Azərbaycan” qəzeti isə AXCP sədri Əli Kərimlini təhqirə məruz qoyan məqalələrə yer verib. 

 

“Azadlıq” qəzeti Əliyevlər hakimiyyətinin qorunması üçün “mühafizə ssenarisi”nin işə düşə biləcəyini yazaraq bunu “iqtidarın 2013-cü il üçün dəhşətli planı” adlandırır. 

Dövlət başçısı İlham Əliyevin Türkiyənin baş naziri Ərdoğanla məhz Qəbələdə görüşməsinə toxunan qəzet bunu rəsmi Bakının Qəbələni ikinci mərkəzə çevirmək istəyilə əlaqələndirir, Qəbələ RLS-lə bağlı Rusiya ilə anlaşma olmaması bu amillə izah edilir. 

Azərbaycanlı zabit Ramil Səfərovun Macarıstandan ekstradisiya edilməsinin Macarıstanı qarışdırdığını yazan qəzet bu məsələnin bu ölkədə hakim partiya rəhbərliyinin müzakirəsinə çıxarıldığını bildirir. 

Müsavat Partiyasının üzvü Aydın Acalovun yol qəzasında ölümündə təqsirli bilinən digər müsavatçı Nigar Yaqublunun həbsini qəzet “gənc siyasi fəaldan iqtidarın qisas alması” adlandırır. 

Ziyalılar Forumunun toplantısında ölkənin varlığında müstəsna rolları olan şəxslərə iqtidarın dəyər verməməsi kəskin tənqid edilib və 1918-ci il sentyabrın 15-də Bakını rus-erməni hərbi birliklərindən azad edən Nuru Paşanın abidəsinin Türkiyə səfirliyinin bir küncündə yox, Bakının mərkəzində qoyulması tələb olunub.  

 

“Zerkalo” Türkiyənin baş naziri Ərdoğanın Azərbaycana səfərinin “Rusiyanı qıcıqlandırmağa” başladığını yazaraq hətta Putin və Ərdoğan dostluğunun bu qıcığın qarşısını ala biməməsinə diqqət çəkir. 

 

“Ekspress”. Hərbi xidmətdə müəmmalı şəkildə ölən əsgər İsmayıl İbayevin valideynləri övladlarının daxili orqanlarının satılması üçün qətlə yetirilməsinə iddia edir. Hərbi Prokurorluq isə əsgərin komandiri tərəfindən döyülərək həlak olduğunu bildirib.  

 

“Exo” alimlərin tədqiqatlarına istinadən Bakının Binəqədi, Suraxanı, Xətai rayon ərazilərində, eləcə də sahilboyu zolaqda zəlzələ ocaqlarının daha çox olduğunu yazır.  

 

“Novoe Vremya” son vaxtlar ordu sıralarında əsgər ölümlərinin artmasına diqqət çəkərək bu anormallığa “orduda nə baş verir” sualı ilə münasibət ifadə edir. 

Ölkə vətəndaşlarının daha çox xaricdə müalicə almasına toxunan qəzet ölkədə səhiyyənin səviyyəsinə “müalicə, yoxsa şikəst edirlər” suallı ilə mövqe bildirir. 

 

“Bizim yol” yazır ki, Türkiyənin hakim Ədalət və Dirçəliş Partiyası rəsmi Bakıya iki ölkə arasında viza rejimini ləğv etmək müraciəti ünvanlayıb. 

 

“Yeni Müsavat”  Müsavat Partiyasının üzvü, gənc siyasi fəal Nigar Yaqublunun həbsinin əsassızlığına “gənc müxalifətçi xanımın həbsindəki müəmmalar” münasibəti ifadə edir, eks-prezident Ayaz Mütəllibovun nəvəsinin analoji yol-nəqliyyat hadisəsi törətdikdə ona cəza tətbiq olunmadığını xatırladır. 

Türkiyə ilə Azərbaycan arasında viza rejiminin qalmasına toxunan qəzet tərəflərin bu məsələni mərhələlərlə həll etməyi qərara aldıqlarını yazır. 

Qəzet ölkə banklarında aparılan qanunsuz əməliyyatlara imza atmaqdan çəkinən filial və şöbə müdirlərinin həbs olunmamaq üçün işdən çıxdıqlarını bildirən qəzet bu istefaların Azərbaycan banklarında kütləvi xarakter daşıdığını nəzərə çatdırır.   

 

Rəy yaz

Cəmiyyət

Navalnının ölümü dünyada hansı daşları tərpədəcək? – Rauf Mirqədirov Çətin sualda



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti