![Paşa Bankın 2012-ci ilin ilk 6 ayının maliyyə göstəricilərinə dair auditor rəyi hazırlanıb](https://turan.az/resized/750/500/resize/media/2012/main/091300011018.jpg)
Paşa Bankın 2012-ci ilin ilk 6 ayının maliyyə göstəricilərinə dair auditor rəyi hazırlanıb
Avqust ayında Ernst & Young şirkəti yarım ilin nəticələrinə görə Azərbaycanın bankçılıq bazarında aparıcı qurumlardan biri olan Paşa Bankın əsas maliyyə göstəricilərinə dair auditor rəyi hazırlayıb.
Bankın İdarə Heyətinin Üzvü, Baş Maliyyə İnzibatçısı Şahin Məmmədovun sözlərinə görə, Paşa Bank bazarın aparıcı oyunçuları sırasında öz mövqeyini qoruyub. Müştərək kapitalın həcmi 177,414,040 AZN, aktivlər isə 630,072,417 AZN səviyyəsinə çatdırılıb. Bu da 2011-ci ilin nəticələrinə görə analoji göstəricidən (573,879,801 AZN) 10% çoxdur.
2012-ci ilin ilk 6 ayına Paşa Bankın aktivlərinin strukturu aşağıdakı kimidir:
- Kredit portfeli - 45%
- Qiymətli kağızlar portfeli - 39%
- Maliyyə qurumlarından alınacaq vəsaitlər - 7%
- Pul vəsaitləri və onların ekvivalentləri - 5%
- Digər aktivlər - 4%
Birinci yarımildə qiymətli kağızlar portfelinin həcmini cüzi 5% azaltmaqla (ötən ilin sonuna olan 260,975,703 AZN-ə nisbətən 248,712,806 AZN) Bank likvidliyi istənilən səviyyədə qoruyub saxlayıb. Hesabat dövründə Bankın kredit portfeli 22% artıb və 2011-ci ilin nəticələrinə görə 246,769,000 AZN-ə nisbətən 300,334,205 AZN təşkil edib.
Ümumi kredit portfelində qeyri-işlək kreditlərin payı (non performing loans, NPL) ötən ilin nəticələrinə görə 10,75%-ə nisbətən 10.84% təşkil edib. Ümumi kredit portfelində problemli kreditlərin böyük hissəsi (67%) 2 müştərinin yerinə yetirilməmiş öhdəliklərinə aiddir. 2012-ci ilin ilk 6 ayının nəticələrinə görə bu müştərilərin öz göstəricilərini yaxşılaşdırmağına baxmayaraq, güclü rəqabəti və həmin müştərilərin təmsil etdiyi sektorlarda müvəqqəti çətinlikləri nəzərə alaraq, Bank rəhbərliyi bu müştərilərə aid kreditlərin statusunun dəyişdirilməməsi barədə qərar qəbul edib. Bank rəhbərliyi vəziyyəti ciddi nəzarətdə saxlayır.
Effektiv ehtiyat uçot dərəcəsi 2011-ci ildə 5,2%-ə nisbətən bu il 6,3% təşkil edib. Yarım ilin yekunlarına görə müştəri hesabları maliyyə ekvivalentində 360,237,402 AZN olub. Paşa Bankın faiz gəlirləri 23,797,325 AZN, qeyri-faiz gəlirləri isə 3,154,314 AZN təşkil edib. Bankın gəliri (gəlir vergisi daxil) 7,141,609 AZN, təmiz gəlir isə 5,472,194 AZN olub. Göstərilən müddət ərzində aktivlərin mənfəətliliyi (ROA) 4,5%, kapitalın mənfəətliliyi (18.13%) isə 18.13% təşkil edib.
Hesabat dövründə Paşa Bankın sənədli əməliyyatlarının həcmi ikiqat artıb - ötən ilin yekunlarına görə 43,689,159 AZN-dən 88,403,771 AZN-dək. Hazırda Paşa Bankın strateji məqsədi 2012-ci ilin sonunadək ticarətin maliyyələşdirilməsi portfelini 105,000,000 AZN-ə çatdırmaqdır. –15D--
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz