![Mətbuat-Monitorinq 14.05.13](https://turan.az/resized/750/500/resize/media/2013/main/051400035990.jpg)
Mətbuat-Monitorinq 14.05.13
Rəsmi və hökumətyönlü qəzetlər dövlət başçısı İlham Əliyevin Avstriyaya səfərini, burada keçirdiyi görüşləri ön plana çıxarıblar.
Bundan əlavə, bu qəzetlər müxlaifətin aparıcı qüvvələrinə münasibətdə ənənəvi iftira və böhtan kampaniyasını davam etdirir.
“Azadlıq” qəzeti keçmiş rektor Elşad Abdullayevin bəzi mühüm sirləri bildikləri üçün həbsdə olan keçmiş deputat Gülər Əhmədova və müğənni Mətanət İsgəndərlinin də Sevinc Babayeva kimi öldürülə biləcəyi xəbərdarlığını ilk səhifəyə çıxarıb.
Gəncə şəhər icra başçısı Elmar Vəliyev “Yeni Müsavat” qəzetini məhkəməyə verə biləcəyilə hədələyib.
Dövlət başçısı İlham Əliyevin xarici ölkərə səfərlərinin azalmasını ekspertlər “götürülən beynəlxalq öhdəliklərin yerinə yetririlməməsinin dövlət başçısını oyundankənar duruma salması” kimi şərh ediblər.
İsveçin “SVT” telekanalı Azərbaycanda polisin dinc kütləvi aksiya iştirakçılarına qarşı zorakılığı haqda süjetlər nümayiş etdirib.
Peterburqda yaşayan azərbaycanlı iş adamı İlham Hüseynov RF xüsusi xidmət orqanları tərəfindən həbsə alınıb.
“Zerkalo” Azərbaycanın qırıcı helikopterlərə maraq göstərdiyini və irikalibrli atıcı silahlar üçün sursat istehsalına başlandığını yazır.
“Ekspress”. Sumqayıt şəhər 17 saylı məktəbin XI sinif şagirdi Azad İsmayılov dərsə gecikdiyinə görə müəllimə onu qaçmaqla cəzalandırıb. Nəticədə şagird huşunu itirərək dünyasını dəyişib.
“Exo” Qadın Krizis Mərkəzinə istinadən 2012-ci ildə baş vermiş 212 ölüm faktından 167-nin “namus məsələsi”nə görə törədildiyini, 2013-cü ilin ötən müddətində isə bu kateqoriyadan olan 38 ölüm faktının qeydə alındığını nəzərə çatdırır.
“Novoe Vremya” Avropa ölkələrinin Azərbaycanla münasibətlərdə neft-qaz məsələsinə maraqlı olmasını, demokratiya tələblərini arxa plana keçirməsini ironik olaraq “neft və qaz ver, demokratiya isə hələ gözləyər” mövqeyi ilə ifadə edir.
“Bizim yol” Gədəbəydə icra başçısı ilə vergilər nazirinin müşaviri arasında çəkişmələrə “iki məmur mafiyası toqquşdu, nəticədə mübahisə obyekti olan bazar yandırıldı” şərhini verir.
“Yeni Müsavat” Nəqliyyat Nazirliyinin avtobuslarda gediş haqlarının artırılmasında qəti mövqeyini “nazirliyin xaqlın cibinə girməkdə israrlı olması” sayaraq manjetə çıxarıb.
Ölkənin Bakı-Ələt, Ələt-Astara, Kürdəmir-Qazax yol çəkilişləri dayanıb və səbəb maliyyə çatışmazlığıdır, “Todini” şirkətinin əməkdaşları isə Bakıya yürüşə hazırlaşrılar.
Müsavat Partiyası “Media TV” İnternet telekanalı açmağı nəzərdə tutur, ayda 8-10 verilişin yayımlanması üçün 10 min manat tələb olunur, müəyyən vəsait artıq yığılıb.
“Bakı Xəbər” Maliyyə Nazirliyinin 18 subyektdə apardığı yoxlamada 16 mindən çox saxta qızıl faktının üzə çıxdığını ilk səhifə çıxarıb.
-
- Siyasət
- 13 May 2013 21:51
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz