Mətbuat-Monitorinq 19.12.14

Rəsmi qəzetlər dövlət başçısı İlham Əliyevin “Müslüm Maqomayev” və “Lənkəran” gəmilərinin istismara verilməsi, mərasimində iştirakına dair xəbərləri ilk səhifələrdə yerləşdiriblər. Bundan əlavə, bu qəzetlər ictimai-siyasi həyatda fəal iştiraka görə Arif Mehdiyevin və Elton Məmmədovun dövlət ordenlərilə təltif olunmaları haqda sərəncamların mətnlərini dərc ediblər.

“Azərbaycan” qəzetindəki “Sapı özümüzdən olan baltalar” adlı məqalədə deputat Hüseynbala Mirələmov müstəqil QHT-ləri milliətə, dövlətə xəyanət kimi əsassız ittihama məruz qoyub.

“Azadlıq” qəzeti ABŞ rəsmisi Tom Malinovskinin rəsmi Bakının vətəndaş cəmiyyəti qurumlarını boğmasını ABŞ-la münasibətləri təhlükə altında qoyması adlandırmasını iqtidarı təşvişə salan “xəbərdarlıq” sayaraq manjetə çıxarıb.

2 il  müddətinə Qobustan qapalı həbsxanasına köçürülən İslam Partiyasının sədri Mövsüm Səmədovun ürək ağrıları ilə bağlı səhhəti pisləşib.

Ekspertlər siyasi repressiyalarla bağlı Əliyev rejiminə artan beynəlxalq təzyiqləri həm də xarici siyasətin iflasa uğraması sayırlar.

Saxta ittihamla həbsə alınan “Azadlıq” qəzetinin əməkdaşı Seymur Həzi məhkəmədən ədalət gözləmədiyini bəyan edib.

Qəzetin yazdığına görə, PA-nın rəhbəri Ramiz Mehdiyev bir həftə öncə səhhətilə bağlı Almaniyaya müalicəyə aparılıb.

“Ekspress” Rusiyanın NABUCCO qaz kəmərinin çəkilşini dirçəltmək səylərini “Rusiyanın Avropada Azərbaycana qarşı olması” sayaraq ilk plana çıxarıb.

Vaxtilə parlamentdə müzakirə obyekti olan “surroqat ana” məsələsi birdəfəlik parlamentin müzakirəsindən çıxarılıb.

“Exo”  Azərbaycana bağlı külli miqdarda əlyazmaların xarici ölkələrdə saxlanmasını ön çəkərək bu sənədlərə dair üçcildlik kataloq tərtib olunmasını diqqət mərkəzinə çəkir.

Qəzetin yazdığına görə, ölkənin 250-300 yaşayış məntəqəsi təhlükəli torpaq sürüşmələri zonasında yerləşir.

“Novoe Vremya”  TANAP qaz kəməri ətrafında müzakirələrin artmasını “Bakının yenə də qazla oynaması düşüncəsində olması” kimi dəytərləndirərək önə çəkib.

“Bizim yol”  Azərbaycanda rubl-dollar əmliyyatına qadağa qoyulması iddiasını önə çəkərək Bakı Fond Birjasında alqı-satqının məhdudlaşdırıldığını bildirir.

AXCP Gənclər Komitəsi Sabirabad rayon şöbəsinin üzvü Mirağa Abbasov polisə müqavimət və hərbi xidmətdən yayınmaq ittihamı 25 sutka inzibati cəza alıb.

10 milyon manat dəyəri olan “Cənub” mehmanxanasının torpağı hərraca 38 min manata çıxarılıb, hərraca da cəmi bir iddiaçı qatılıb, səhmdarlar bu alqı-satqını qanunsuz sayaraq məhkəmə çəkişməsinə hazırlaşırlar.

“Yeni Müsavat”  ABŞ-ın Azərbaycana yeni səfirinin üzərinə demokratik düşərgəni toparlamak vəzifəsi qoyulmasını önə çəkərək bunu “ABŞ-ın Bakı taktikasını dəyişməsi” adlandırır.

REAL Hərəkatının sədri İlqar Məmmədovun həbsdən azad olunması haqda Avropa məhkəməsinin qərarına baxan AŞ Nazirlər Kabineti rəsmi Bakıdan onun azad olunmasını tələb edir.

Qəzetin yazdığına görə, rus rublunun “ölməsi” “Binə” və “Sədərək” kimi ticarət mərkəzlərində ciddi müştəri qıtlığına səbəb olub.