Dünən Sabirabad Rayon Məhkəməsi AXCP Gənclər Komitəsinin Sabirabad rayon şöbəsinin sədr müavini Mirağa Abbasovu polisə müqavimət və hərbi xidmətdən yayınma ittihamı ilə inzibati qaydada 25 sutka azadlıqdan məhrum edib. Bu barədə Turan-a AXCP sədrinin müavini Əbülfəz Qurbanlı bildirib.
Onun sözlərinə görə, ittihamlar siyasidir. “Mirağa Abbasov polisə müqavimət göstərməyib və polis onu sakitcə aparıb. Hərbi xidmətdən yayınma ittihamına gəlincə, M.Abbasov qanuni şəkildə (görmə qabiliyyəti zəif olduğu üçün) Səfərbərlik və Hərbi Xidmətə Çağırış üzrə Dövlət Xidməti Sabirabad rayon şöbəsi tərəfindən hərbi xidmətə yararsız sayılıb”, - sədr müavini qeyd edib.
Qurbanlı Mirağa Abbasovun həbsinin əsas səbəbi kimi sosial şəbəkələrdə fəal iştirakını və tənqidi statuslarını göstərib. “Bir neçə ay öncə də onu mülki geyimli şəxslər saxlayıb xəbərdarlıq etmişdi”, o qeyed edib. -03B-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz