Mətbuat-Monitorinq 20.08.13
Rəsmi və iqtidaryönlü qəzetlər dövlət başçısı İlham Əliyevin Oğuz rayonunun sosial inkişafı və Sincan-Xaçmaz-Filfili yolunun çəkilişi üçün hər birinə 2 milyon manat vəsaitin ayrılması haqda sərəncamının mətnlərini dərc ediblər.
Bundan əlavə, bu qəzetlər ölkənin etiraz elektoratını birləşdirən Milli Şuranın 18 avqust aksiyasına az adam qatılmasını və prezident seçkilərinə qatılmaq üçün vahid namizədi müəyyən edə bilməməsini “qurumun iflası” adlandırır.
“Azadlıq” qəzeti Milli Şuranın 19 avqust sessiyası, sessiyada qurumun sədri Rüstəm İbrahimbəyovun seçkilərə qatılmasına qanunun imkan verdiyi həddə qədər vahid namizədi olması qərarı qəbul etməsini ilk səhifəyə çıxarıb.
Qəzet Milli Şuranın 18 avqust aksiyası öncəsi polis qanunsuzluqlarına toxunaraq övladları ordu sırasında həlak olan bir qrup valideynin əsassız polisə aparılmasına, siyasi mənsubiyyətlərilə bağlı sorğu-sual olunmalarına, mitinqdə iştiraka yaş həddi qoyulmasına diqqət çəkir.
Qəzet kiberhücumlara məruz qalmasının davam etdiyini, saytın yerləşdiyi şirkətin DNS serverinin hədəfə alındığını bildirir.
26 yanvar İsmayıllı hadisələrilə bağlı həbs edilənlərin vəkilləri işlə bağlı hər hansı istintaq hərəkətləri aparılmadığı barədə bəyanat səsləndiriblər.
“Zerkalo” Ermənistanın dövlət başçısı Sarkisyanın “İlham Əliyevin hakimiyyətdə qalmasını istəməsinə” dair bəyanatını ilk səhifəyə çıxararaq bunu “Azərbaycandaki prezident seçkilərinin İrəvanı maraqlandırması” adlandırır.
Qəzet ADAM İctimai Birliyinin keçirdiyi sorğunun nəticələrini “demokratiyanın tərəfdarı və rəqibi məsələsində cəmiyyətin təqribən bərabər iki cəbhəyə bölünməsi” kimi dəyərləndirib.
“Ekspress” Gürcüstanın azərbaycanlılar yaşayan Sadaxlı kənd sakinini girov götürən erməni sərhədçilərin ona cinayət işi açmasını önə çıxarıb.
“Exo” Türkiyənin Qars şəhərindən Ermənistan sərhəddinə qədər dəmir yolunun ilin sonuna qədər təmirinin başa çatacağını yazaraq buna “Türkiyə-Ermənistan sərhədinin açılması gözlənilir?” reaksiyasını verir.
“Novoe Vremya” ölkə rəhbərliyinin seçki öncəsi büdcə təşkilatlarında maaşların artırılacağı xəbərini ““büdcəçiləri necə bəxtəvər etmək və ya iqtidarın seçki öncəsi gedişi” kimi dəyərləndirir.
“Bizim yol” Milli Şuranın 19 avqust sessiyasında prezident seçkilərinə qatılmaq üçün ehtiyat vahid namizədi növbəti seesiyada müəyyənləşdirmək qərarı verməsini ön plana çıxarıb. Milli Şura təmsilçiləri 18 avqust aksiyasına qatılanların az olmasını insanlarla birbaşa ünsiyyət qurula bilməməsi ilə izah ediblər.
26 yanvar İsmayıllı hadisələrilə bağlı həbsə alınanların istintaq müddətinin üçüncü dəfə uzadılmasını vəkillər bəhanə və əsassız adlandırıblar.
Kənd təsərrüfatı nazirinin müavini Aslan Aslanovun oğlunu öldürməkdə təqsirli bilinərək ömürlük həbs edilən Vüqar Əliyevin anası nazir müavinini oğluna həbsdə sui-qəsd düzənləməkdə ittiham edib.
“Yeni Müsavat” Milli Şuranın 6 saat davam edən sessiyasının nəticəsiz başa çatmasını, 3 partiyanın qururmu tərk edəcəyi bəyanatını səsləndirməsini önə çəkir.
Ekspertlər xalq kütlələrinin etiraz aksiyalarına fəal şəkildə qatılmamalarını neçə illərdir davam edən təqib, təzyiq və həbslər vasitəsilə cəmiyyətdə yaradılan qorxu mühitinin varlığı ilə izah ediblər.
Qəzet Azərbaycan parlamentinin üzvü olan şərti “milyarderlər ittifaqı”nın sədri Abbas Abbasovun oğlu Aydın Abbasovun “səhhəti ilə bağlı” parlamenti tərk etməsinin planlaşdırıldığını bildirir.
-
- İqtisadiyyat
- 20 Avqust 2013 12:01
-
- İqtisadiyyat
- 20 Avqust 2013 12:40
Cəmiyyət
-
Bazar günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısı keçəcəyi gözlənilir. Lakin gecə və səhər bəzi yerlərdə qısamüddətli yağış yağacağı ehtimalı var. Şimal-şərq küləyi əsəcək.
-
Şənbə günü Abşeron yarımadasında intensiv yağış yağacağı, şimşək çaxacağı gözlənilir.
-
Oktyabrın 12-də paytaxtın bəzi yerlərində yağış yağacaq, Abşeron yarımadasında intensiv olacaq, xəbəri Milli Hidrometeorologiya Xidmətinin sinoptikləri yayıb.
-
TƏBİB-dən Turana bildirilib ki, oktyabrın 10-u saat 19:00-dan başlayaraq Qazax Rayon Mərkəzi Xəstəxanasına ümumilikdə 18 nəfər zəhərlənmə şübhəsilə müraciət edib. Onların hər birinə zəruri tibbi xidmətlər göstərilib. 16 nəfər ambulator müalicə üçün evə buraxılıb, hazırda 2 nəfərin müalicəsi Təcili tibbi yardım bölməsində davam etdirilir, vəziyyətləri orta ağır olaraq qiymətləndirilir.
Rəy yaz