Mətbuat-Monitorinq 21.09.12

Rəsmi qəzetlər dövlət başçısı İlham Əliyevin Fransaya səfərinin davam etdiyini, onun MEDEF-ə daxil olan iş adamları ilə görüşdüyünü və çıxışını nəzərə çatdırır. 

“Azadlıq” qəzeti gənc müsavatçı Nigar Yaqublunun barəsində həbs qətimkan tədbirinin dəyişdirilməməsini, baş prokurorun müavini Rüstəm Usubovun Nigarı qatı cinayətkar kimi təqdim etməsini ilk səhifəyə çıxarıb.

Rəsmi Aşqabad rəsmi Kremli Azərbaycanla əlaqələri korlamaq səylərində ittiham edərək Moskvaya “Azərbaycanla aramızı vurmayın” xəbərdarlığı edib. 

Fəaliyyəti dayandırılmış Azərbaycan Beynəlxalq Universitetinin rektoru Elşad Abdullayevin deputat Gülər Əhmədovanı külli miqdarda rüşvət almaqda ittihamına cavab əvəzinə deputat bu materialı dərc edən KİV-ləri hədə-qorxuya alıb. 

Balaxanı NQÇİ-də Almaniya şirkətinin yerli fəhlələrə münasibətdə ayrı-seçkilik etməsinə cavab olaraq 100-ə qədər fəhlə etiraz aksiyası keçirib. Fəhlələr üzrlü səbəbdən işə çıxmadıqda əmək haqqının tutulmasına son qoyulmasını, keyfiyyətli geyimlə təmin olunmağı, tibbi sığorta tətbiqini, gigiyena qaydalarına əməl olunmasını tələb ediblər. Tələblər dörd günə yerinə yetirilməsə fasiləsiz aksiyaların başlayacağı bəyan edilib.    

“Zerkalo” ölkədə daşınmaz əmlakın qiymətinin artdığını yazaraq ipoteka olmadan mənzil almağın mümkünsüz olacağı barədə xəbərdarlıq edir. 

“Ekspress”.  ARDNŞ prezidenti Rövnəq Abdullayev şirkətin əməkdaşlarına hər rübdə bir bina təhvil veriləcəyini bəyan edib. 

Güney Azərbaycanın zəlzələ baş vermiş bölgəsində rəsmi Tehranın hər hansı tikintiyə başlamadığını, insanları kütləvi çəkildə ərazini tərk etməsini qəzet Azərbaycan kənd və şəhərlərinin boşaldılması siyasəti adlandırır. 

“Exo”  ekspertlərə istinadən yazır ki, hər il ölkədəki tıxaclarda 360 min ton benzin yandırılır. Bakıda isə avtomobillər texpasportda  göstəriləndən 3 litr artıq benzin işlədir. 

“Novoe Vremya” Avropa ədalət mühakiməsinin effektliyi komissiyasının Azərbaycanda irimiqyaslı məhkəmə-hüquq islahatları aparılması şərhinin yalan olmasını “hanı o, irimiqyaslı məhkəmə-hüquq islahatı?” mövqeyini ifadə edir. 

“Bizim yol” PA-nın təlimatı əsasında icra hakimiyyətlərində kütləvi ixtisarların başlamasına diqqət çəkərək hər rayonda yüzlərlə məmurun işini itirəcəyini bildirir.   

Avqustun 31-də Lökbatanda baş vermiş ağır yol-nəqliyyat qəzasında ağır xəsarət alan Mehman Behbudov tam müalicə almamış evə yazılıb. 

Qəzet Neft Fondunun ölkə varidatını rus rubluna və qızıla yatırmasını “milyardlarla təhlükəli oyun” adlandırır.   

“Yeni Müsavat” nazir Kəmaləddin Heydərovun “Butalife” İnternet sosial şəbəkə layihəsini “iqtidarın 2013-cü il seçkilərilə bağlı İnternet həmləsi” adlandırır. 

Barəsində həbs qətimkan tədbiri seçilmiş gənc müsavatçı Nigar Yaqublunun haqqında baş prokurorun müavini Rüstəm Usubovun açıqlaması “Nigarın qisasçılıq zəminində həbs olunmasına şübhələrin artması” kimi dəyərləndirir. 

İstanbulda artıq “şərurlular məhəlləsi” yarandığını yazan qəzet Naxçıvanın boşalmasını buradakı “işsizlik və hüquqsüzluğun nəticəsi” sayır. 

Gündəlik planın qaldırılması üzündən bir qrup “london taksi”si sürücüsü avtovağzalda etiraz aksiyası keçirərək maşınları qaytarıb işləyə bilmədiklərini bildiriblər.