![Mətbuat-Monitorinq 22.09.12](https://turan.az/resized/750/500/resize/media/2012/main/092200012136.jpg)
Mətbuat-Monitorinq 22.09.12
Rəsmi qəzetlər dövlət başçısı İlham Əliyevin ölkənin diplomatik korpusu təmsilçilərinin 4-cü müşavirəsini keçirməsi və buradakı çıxışını ilk səhifələrə çıxarıblar. Bununla yanaşı bu qəzetlər dövlət başçısının və xanımının Diplomatik Akademiyanın yeni tədris korpusunun açılışına qatılması haqda yazırlar.
“Azadlıq” qəzeti Türkiyənin baş naziri Ərdoğana yaxın qəzetlərə istinadən Azərbaycandakı şirkətlərdən birinin terrorçu PKK-ya “casusluqda istifadə olunan cihazlar” göndərdiyini yazır. Azərbaycan vətəndaş cəmiyyəti institutlarının təmsilçiləri bu faktı “Türkiyəyə düşmənçilik, iqtidarın PKK-ya açıq dəstəyi” sayırlar.
Belqradda “Partizan”- Neftçi oyununda birincinin azərkeşləri “Neftçi”ni təhqir etdikləri üçün “Neftçi”nin UEFA-ya şikayət edəcəyini yazan qəzet bu halda “Partizan”ı texniki məğlubiyyətin gözlədiyi barədə xəbərdarlıq edir.
“Ekspress” qəzeti intiharların cavanlaşdığını yazaraq son bir həftədə ölkədə 3 məktəblinin intihar etməsini nəzərə çatdırır.
İranın keçmiş səfiri Əfşar Süleymani ər-arvad münasibətində olduğu Azərbaycan vətəndaşı Şəmsiyyə Bəylərqızından olan övladına aliment ödəmədiyi üçün Azərbaycandan çıxmasına yasaq qoyulub.
“Exo”. Ölkədə iş şəraiti əlverişsiz olduğundan hər iki vətəndaşdan biri işdə yorulur.
“Ayna”. Qarabağ probleminin həlli üzrə Minsk Qrupu Qrupu həmsədrlərinin Ramil Səfərovun əfvinin prosesə mane olması bəyanatına nazir müavini Araz Əzimov “guya R.Səfərovun əfvindən öncə bu yöndə inkişaf vardı” cavabını verib.
“Novoe Vremya” qəzeti Qarabağ məsələsində danışıqlara ümid bəslənilməməsi haqda bəyanartlara “əgər ümid yoxsa, onda danışqıalr nəyə lazımdır?” mövqeyinin nümayiş etdirib.
“Bizim yol” Bakıda qadınlar arasında futbol üzrə Dünya Çempionatının başlaması ilə bağlı yollarda yaranacaq problemləri “nəqliyyatın iflic olması” adlandırır, sürücü və şərnişinlərin yolların bağlanmasını hiddətlə qarşıladıqlarını
yazır.
Tarixçi-professor Cəmil Həsənli yol-nəqliyyat qəzasına görə gənc müsavatçı xanım Nigar Yaqublunun həbsini “ölkə gənclərinin dövlət səviyyəsində təqib olunmasının tərkib hissəsi” kimi dəyərləndirib.
“Yeni Müsavat” PKK-nın Bakıda qurduğu şirkət vasitəsilə İsrail istehsalı olan “casus cihazları” əldə etməsini “İsrailin PKK-ya verdiyi gizli dəstəyin üzə çıxması” kimi dəyərləndirir.
Masallı rayon Torpaq Komitəsi rayonun 10 kəndində kəndlilərə məxsus torpaqları varlılara icarəyə verdiyinə görə bu kəndlərin sakinləri Bakıya yürüş etməyi nəzərdə tuturlar.
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz