Türkyədə 300 zabit mühakimə olunub

Türkiyəli üç general dövlət çevrilişinə cəhddə təqsirli bilinərək 20 il müddətinə azadlıqdan məhrum edilib. Bu barədə Türkiyə KİV-i məlumat yayıb.

Dövlət ittihamçısı onların ömürlük həbs cəzasına məhkum olunmasını istəyib, lakin məhkəmə cəzanı yüngülləşdirib, belə ki, “dövlət çevrilişi” baş tutmayıb.

Bu, iki ilə yaxın davam edən prosesdə birinci hökmdür. Prosesə 360-a yaxın zabit və general cəlb olunub. Onlar 2003-cü ildə Tayyip Ərdoğan hökumətinin devrilməsinə cəhddə ittiham olunurlar. Devirmə planı “Balyoz” adlanıb.

2012-ci sentyabrın 21-də “Balyoz” planının hazırlanmasında iştiraka görə 322 nəfər həbs cəzası alıb. Bu barədə Reuters bildirir. 

34 nəfərə bəraət verilib.

Hakimiyyətin versiyasına görə, plan təxribatlardan istifadə etməklə ölkədə sabitliyi pozmaqdan ibarət olub. Adamların sıx olduğu yerlərdə, məsələn, məscidlərdə partlayışlar törədilməli idi. Egey dənizi üzərində hərbi təyyarənin vurulması və  terror aktlarının hazırlanmasında Yunanıstanın ittiham olunması planlaşdırılıb. Sonra hərbçilər yaranmış qarışıqlıqdan istifadə edərək hakimiyyəti ələ keçirməli idi

Bu əməliyyatın ehtimal olunan  iştirakçıları özləri bu versiyanı uydurma adlandırıblar və müxalifətin gözdən salınmasına yönəldiyini bildiriblər.

Bu proses bir çox məqamları ilə 2008-ci ildəki “dövlət çevrilişi” ilə uyğundur. Həmin iş üzrə yüzlərlə zabit və general həbs  olunub. Onlar radikal millətçilərin “Ergenekon” qapalı təşkilatının üzvləri elan olunublar.

O zaman həbs olunanlar bildirmişdilər ki, “Ergenekon” hakimiyyətin uydurmasıdır, həbslərin vasitəsilə öz mövqeyini möhkəmləndirir.

Ekspertlər qeyd edirlər ki, Ərdoğan hökuməti məqsədyönlü və planlı şəkildə generalitetə hücum edir, onun səlahiyyətini və nüfuzunu əlindən alır. Lakin tarixən Türkiyədə dünyəvi quruculuğun saxlanmasının qarantı məhz generalitetdir və hərbçilərin Ərdoğan hökumətindən narazılığı qalmaqdadır. 

-02D-