Rəsmi qəzetlər seçki fəallığı olmayan, müşahidəçilərsiz keçən bələdiyyə seçkilərini “ədalətli, şəffaf, demokratik” adlandırıblar. Bununla yanaşı bu qəzetlər dövlət başçısı İlham Əliyev və xanımının Bakıda həyata keçirilən bəzi inşaat işlərilə tanış olmalarını qeyd edirlər.
“Azadlıq” qəzetin 25 yaşının tamam olmasını manjetə çıxarıb. ABŞ-ın Azərbaycanda keçmiş səfiri Riçard Kozlariç, senator Ted Kruz qəzetə təbriklərini göndəriblər. Bununla yanaşı Azərbaycan ictimai həyatının fəalları qəzetə təbriklərini ünvanlayıblar.
Bundan əlavə, qəzet xalqın bələdiyyə seçkilərinə getməməsini, seçkilərin saxtalaşdırılmasını da önə çəkərək bunu “seçki adına rəzalət” adlandırır.
Beynəlxalq qurumların Azərbaycanda bələdiyyə seçkilərini müşahidədən imtina etmələrini ekspertlər “beynəlxalq qurumlarda Azərbaycandakı seçki institutuna etibarın itməsinin göstəricisi” kimi şərh ediblər.
Tanınmış jurnalist Şahvələd Çobanoğlu QHT-lərə başlanmış cinayət işilə bağlı istintaqa cəlb olunub, “Fərqli Düşüncə” jurnalının şap və yayımı ilə bağlı suallara cavab verib.
Rusiyalı politoloqların Qərbi “vurmaq” üçün PA-nın rəhbəri Ramiz Mehdiyevin antiqərb yazılarına isnad etməsini qəzet “Rusyanın Azərbaycanı Qərb əleyhinə şiyasətinə şərik etməsi” kimi dəyərləndirir.
Qəzet İTV-nin keçmiş rəhbəri İsmayıl Ömərov və qardaşının tikinti biznesi adı ilə vətəndaşları aldatdığına görə 950 min manatlıq ittihama məruz qaldığını yazır.
“Ekspress” seçicilərin əksəriyyətinin qatılmadığı halda bələdiyyə seçkilərinin baş tutması kimi “mühüm” mövzunu ilk səhifəyə çəkib.
“Novoe Vremya” ölkədə yaşayış minimumunun 131 manat müəyyən olunmasını əsassız sayaraq məbləğin azlığına “bu yaşayış minimumuna necə yaşayaq?” mövqeyini ifadə edir.
“Bizim yol” bayram günlərində Bakıdan çıxmağın müşkül olacağını ilk səhifədə yerləşdirərək bunu avtobuslara, qatarlara, təyyarələrə biletlərin əksəriyyətinin artıq satılması ilə izah edir.
AŞPA-da Azərbaycan nümayəndə heyətinin rəhbəri Səməd Seyidov “Azadlıq” radiosuna müsahibəsində ölkədə siyasi həbslərin olmasını yenə də inkar edərək bunu müstəqil siyasətinə görə Azərbaycana beynəlxalq “təzyiq” adlandırıb.
“Yeni Müsavat” hansı mənbəyə isnad etməsi məlum olmayan İŞİD terror qruplaşmasının tərkibində olan azərbaycanlıların bu təşkilatı parçalamaları kimi iddianı ilk səhifəyə çəkib.
Qəzet “Meydan TV”nin əməkdaşı Cavid Abdullayevin 15 saylı Yasamal I seçki dairəsinin 12 saylı məntəqəsində apardığı çəkilişə görə zorakılıq və təhqirə məruz qaldığını nəzərə çatdırır.
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz