Neft sektoru üzrə hesabatlılıq təkmilləşdirilir

Prezident İlham Əliyev ölkənin dövlət büdcəsinin əsas gəlirlərini təmin edən strukturların hesabatlılığının təkmilləşdirilməsinə yönələn fərman imzalayıb.

Azərbaycan Dövlət Neft Şirkətinin (SOCAR) nizamnaməsinə edilən dəyişikliklərə uyğun olaraq illik maliyyə hesabatları ilə yanaşı birləşdirilmiş (konsolidə edilmiş) maliyyə hesabatları da olacaq.  Maliyyə hesabatlarından başqa  SOCAR vergi hesabatları, Dövlət Statistika Komitəsi isə statistik hesabatları hazırlayıb Vergilər Nazirliyinə təqdim edəəcklər. Dövlət Neft Fondu üçün də bu cür hesabatlılıq forması müəyyən edilib.

Fondun illik maliyyə hesabatları ölkə prezidentinin təyin etdiyi müstəqil auditor tərəfindən yoxlanılmalı və təsdiq olunmalıdır.

Şirkət birləşdirilmiş  maliyyə hesabatlarını auditor rəyi ilə birlikdə hesabat dövrü başa çatdıqdan sonra növbəti il iyun ayının 30-dan gec olmayaraq İnternet səhifəsində və dövri mətbu nəşrdə dərc etdirir, hesabat dövrü ərzində şirkət və ya onun törəmə cəmiyyətləri dövlət zəmanəti ilə kredit aldıqda və ya dövlət borcunun xərclənməsi ilə bağlı layihələrdə iştirak etdikdə, həmçinin onlara büdcədən subsidiya, subvensiya, qrant və ya müəyyən səlahiyyətlərin yerinə yetirilməsi ilə bağlı büdcə vəsaiti ayrıldıqda isə eyni zamanda Maliyyə Nazirliyinə təqdim edir.08