![Mətbuat-Monitorinq 25.07.14](https://turan.az/resized/750/500/resize/media/2014/main/072400085160.jpg)
Mətbuat-Monitorinq 25.07.14
Rəsmi qəzetlər dövlət başçısı İlham Əliyevin Bakı Olimpiya Stadionunda tikinti işlərinin gedişilə tanış olması haqda xəbərləri ilk səhifəyə yerləşdiriblər. Bundan əlavə, bu qəzetlərdə rayon təhsil şöbələrinin ləğv olunması, onların bazasında regional təhsil idarələrinin yaradılması haqda sərəncamın mətni və s. rəsmi sənədlərin mətnlərini dərc ediblər.
“Azadlıq” qəzeti gələn il Bakıda keçiriləcək Avropa Olimpiya Oyunları ilə bağlı Qərb qəzetlərinin rəsmi Bakını avtoritar idarəçilikdə ittiham etdiklərini ilk səhifəyə çıxarıb.
Qəzet yazır ki, Sülh və Demokratiya İnstitutunun nəzdində fəaliyyət göstərən Repressiyalara Müqavimət Hərəkatı Azərbaycanda insan haqlarının pozulmasına etiraz olaraq Bakıda keçiriləcək Olimpiadanı boykot kampaniyasına başlayıb.
Sahibkarlar gömrük sistemindəki özbaşınalıqlara etiraz olaraq komitənin qarşısında aksiya keçirdiklərini nəzərə çatdırır.
Bu günlərdə Azərbaycandan keçərək Gürcüstanda ifşa edilən 3 ton heroin məsələsinə toxunan qəzet əməliyyat ərəfəsində BMT-nin Narkotiklər və Cinayətkarlığa qarşı ofisi nümayəndələrinin Bakıda olmalarına diqqət çəkir.
Orta Asiya və Qafqazda yaşayan kürdlər işğal nəticəsində İraq dövlətinin kürdlərə verilən ərazilərini “doğma vətən” adlandırırlar.
BMT-nin insan inkişaf indeksi hesabatında Azərbaycanda təhsilin 50, səhiyyənin cəmi 34 faizinin yararlı sayılmasını qəzet “Azərbaycanla bağlı rüsvayçı statistika” kimi dəyərləndirir.
Ölkə vətəndaşlarından 2 milyon 138 min nəfərin banklara borclu olmalarını ekspertlər “ölkənin sosial-iqtisadi durumunun ağırlığının, təhlükəli və əhalinin sosial durumunun çox pis olmasının göstəricisi” kimi dəyərləndiriblər.
“Ekspress” ilk yerə rayon təhsil idarələrinin ləğv olunması, onun bazasında 15 regional təhsil idarəsinin yaradılması xəbərini çıxarıb.
BMT-ni insan inkişafı indeksi göstəricilərinə görə, Azərbaycan 187 ölkə arasında 76-cı yeri tutur, ölkədə həyat standartının ancaq 49%-nin qanedici olduğu deyilir.
63 kilometrlik Masallı-Şorsulu yolunun layihə qiymətinin 625 milyon dollar olduğunu yazan qəzet “1 km yol üçün 10 milyon dollar” təəccüb sualı ünvanlayır.
“Novoe Vremya” ABŞ-ı Azərbaycanda demokratiya məsələsinə kifayət qədər diqqət yetirməməkdə tənqid edərək “okeanın o tayında onlara əlverişli olmayan şeyləri görməyi nə vaxt öyrənəcəklər?” sualını ünvanlayır.
“Bizim yol” Ermənistan Kəşfiyyatçılar Birliyinin rəsmi Yerevanın Azərbaycanın iki kəşfiyyatçısını ələ keçirməsi haqda təbliğatını lağa qoyaraq onu “diversant şousu” adlandırmasını önə verib.
“Yeni Müsavat” deputat Cavanşir Paşazadənin vaxtilə ona məxsus “Azərcənub” MMC-nin yük məntəqəsindən 170 miylon manatlıq heroin keçdiyi, amma tranzit yüklərə cavabdehilk daşımadığı üçün saxlanmadığı barədə açıqlamasını önə verib.
Qəzet sosial şəbəkələrdə ictimai-siyasi fəallığına görə həbs edilən bloger Ömər Məmmədova əfv ərizəsi yazması üçün təzyiqlər edildiyini nəzərə çatdırır.
Qarabağın azərbaycanlı icmasının rəhbəri Bayram Səfərovun ATV-nin keçmiş sahibi Tağı İbrahimova məxsus 4.5 milyon mantalıq villanı alması haqda yazılara baxmayaraq, buna aydınlıq gətirməkdən yayınır, mülki barter yolu ilə aldığını deyir.
Qəzet “Məxmər” MMC tikinti şirkətini Yasamalda yaşayış binalarının həyətyanı sahələrini zəbt edərək yaşayış kompleksi tikməkdə, sakinlərin rahatlığını pozmaqda ittiham edir.
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz