Rəsmi qəzetlər dövlət başçısının qəbulları, hərbi çağırış, Şövkət Ələkbərovanın 90 illik yubileyinin qeyd olunması, Sumqayıtda bəzi şəxslərə fəxri adların verilməsi haqda sərəncam imzalaması barədə yazırlar.
“Azadlıq” qəzeti dövlət başçısının yeni qurum yaratmaqla məmurların işəgötürmə səlahiyyətlərinin əllərindən alınmasını “İlham Əliyevdən məmurlara daha bir qadağa” kimi dəyərləndirir.
Qəzet Dillər Universitetində korrupsiya hallarının aşkarlanmasını son vaxtlar rektor Səməd Seyidovun təhsil naziri postuna təyin edilməsinə dair aparılan müzakirələrlə əlaqələndirir.
ABŞ-ın “The Nev York” qəzetində dərc edilən yeni dünya xəritəsində Böyük Azərbaycan dövlətinin göstərilməsinə qəzet “ABŞ-da Azərbaycanı birləşdirdilər” mövqeyini ifadə edir.
Rəsmi Bakının demokratik islahatlara getməməsini politoloqalr qəzetə “rejimin istənilən dəyişikliyi özünə təhlükə və sistemi məhv edə bilməsi qorxusu” kimi şərh ediblər.
Ekspertlər Azərbaycanın Ümumdünya Ticarət Təşkilatına üzv olmaq istəməməsini “siyasi hakimiyyətin iqtisadiyyata nəzarəti əldə saxlamaq niyyəti” ilə izah ediblər.
“Ekspress”. AXCP sədri Əli Kərimlinin maliyyə pozuntusunda ittiham edilərək MTN təcridxanasında saxlanılan qaynı Elnur Seyidovun həkim müayinəsindən keçirilməsinə dair qərar çıxarılıb.
“Exo” Statistika Komitəsinin ölkə vətəndaşlarının ərzağa ayda 84 manat xərcləməsi barədə açıqlamaya diqqət çəkərək “84 manata bir ay qidalanmaq olar?” sualını gündəmə gətirir.
Bakının mərkəzi hissəsində avtomobil tıxacları məsələsini müzakirə edən ekspertlər çıxış yolunu “avtomobillərin şəhər mərkəzinə pullu buraxılması”nda görürlər.
“Novoe Vremya” Belarusda parlament seçkilərinin saxta keçirilməsinə baxmayaraq Azərbaycan MSK-nın bu seçkiləri ədalətli adlandırmasına “balıqçı balıqçını gendən də tanıyar” ironiyası ifadə edir.
Leysan yağışların Bakını iflic hala salmasını qəzet “leysan önündə təslimçilik” kimi dəyərləndirir.
“Bizim yol” Dillər Universitetində korrupsiya hallarının aşkarlanmasını PA-nın rəhbəri Ramiz Mehdiyevin rektor Səməd Seyidovu həbs etdirmək istəməsi kimi dəyərləndirir.
2012-ci ilin 9 ayı ərzində Bakıda baş verən 748 yol qəzasında 224 nəfər həlak olub, 848 nəfər yaralanıb.
“Yeni Müsavat”. “Binə” Ticarət Mərkəzini su basması nəticəsində hər dükana ən azı 5-6 min manat məbləğində ziyan dəyib. Dükan sahibləri aksiyaya hazırlaşır.
Şimali Kipr Karpaz Universitetinin rəhbəri Bülənd Çətinqaya azərbaycanlı gənclərin bu ali təhsil ocağında təhsil ala bilməsi üçün təhsil haqqına 50% endirim etdiklərini nəzərə çatdırıb.
Güney Azərbaycan məsələsinə Qərbdə münasibətin ciddiləşməsinə diqqət çəkən Güney Azərbaycan siyasi lideri Mahmudəli Çöhrəqanlı İlham Əliyevi millətə sahib çıxmağa çağırıb.
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz