Mətbuat-Monitorinq 27.09.12

Bugünkü qəzetlərin aparıcı mövzusu deputat Gülər Əhmədova ilə fəaliyyəti dayandırılmış Beynəlxalq Azərbaycan Universitetinin rektoru Elşad Abdullayev arasında deputat seçilə bilmək üçün rüşvət “alveri” barədə yayılan videoğörüntülərdir. 

Rəsmi qəzetlər dövlət başçısı İlham Əliyevin Moskva Dövlət Universitetinin Bakı filialının açılışında iştirakı haqda yazırlar. 

“Azadlıq” qəzeti deputat Gülər Əhmədovanın fəaliyyəti dayandırılmış Azərbaycan Beynəlxalq Universitetinin rektoru Elşad Abdullayevin rüşvət müqabilində deputat ola bilməsi məzmunlu videogörüntülərin ölkə gündəmini qarışdırdığını yazır.  AXCP sədri Əli Kərimli bu videogörüntülərin mahiyyətinə “belə üsulla formalaşan parlament buraxılmalıdır” mövqeyini ifadə edib. Vəkil Qurban Məımmədov isə rüşvəti mövcud iqtidarın “sementi” adlandırıb. 

Balaxaını NQÇİ-nin 300-ə yaxın fəhləsinin dünən etiraz aksiyası keçirdiyini yazaraq neftçilərin əmək haqlarının arıtılmasını və iş şəraitinin yaxşılaşdırılmasını tələb etdiklərini nəzərə çatdırır. 

Qəzet müdafiə naziri Səfər Əbiyevin ABŞ-ın Azərbaycanda səfiri R.Morninqstarla görüşdəki “işğal aradan qalxmayınca Cənubi Qafqazda durum daha təhlükəli xarakter alacaq” ifadəsini “ABŞ səfirinə müharibə mesajı” adlandırır. 

Ekspert Vidadi Məhərrəmovun ölkədə yetişdirilən buğdanın mal yemi kimi də istfadəyə yaramaması haqda açıqlamasını qəzet “nazir İsmət Abbasovun ifşası” adlandırır. 

“Zerkalo” ABŞ-da Bütöv Azərbaycan ideyasının siyasi gündəmə gəlməsinə ““Bütöv Azərbaycan” ABŞ-ın nəyinə lazımdır?” müəmmalı sualını gündəmə gətirərək bu səylərə “mənəvi xeyirxahlıq” ironiyası ifadə edir. 

“Ekspress” qəzeti deputat Gülər Əhmədova ilə keçmiş rektor Elşad Abdullayev arasında deputat olmaq üçün rüşvətə dair videogörüntülərin iqtidarı ciddi narahat etməsinə “video qalmaqalı böyüyür” mövqeyini 

ifadə edir. 

Bu ilin avqustunda baş vermiş yol-nəqliyyat qəzasına görə barəsində məhkəməyə qədər əsassız həbs qərarı çıxarılan gənc müsavatçı xanım Nigar Yaqubluya ailəsilə görüş verilmir. 

“Exo”  ölkədə bu ilin yanvar-avqust aylarında sığortanın bütün növləri üzrə 28.614 milyon manat yığılmasına diqqət çəkərək bu göstəricinin keçən ilki analoji dövrdəki göstəricini 69% üstələdiyini  yazır. 

Xəzərin statusu ilə bağlı şərh verən ekspertlər bu problemin yaxın 5 ildə həll edilməyəcəyini proqnozlaşdırırlar. 

“Novoe Vremya” qəzeti deputat Gülər Əhmədova ilə keçmiş rektor Elşad Abdullayev arasında depuatat olmaq üçün rüşvətlə bağlı yayılan videogörüntülərə “parlamentdə yerlər satılır, qiyməti razılaşma yolu ilə...” ironiyası ifadə edir.  

“Bizim yol” . Hesablama Palatasının 12 milyon manat həcmində korrupsiya faktları aşkar etdiyi Dillər Universitetinin baş mühasibi ölkədən qaçıb. 

Qəzet E.Abdullayevin vəkili Adil İsmayılova istindən bildirir ki, rüşvət qalmaqlaı ilə bağlı bağlı videokasseti E.Abdullayev baş prokuror Zakir Qaralova hələ avqust ayında göndərib. 

“Yeni Müsavat” qəzeti deputat Gülər Əhmədova ilə deputat olmaq istəyən keçmiş rektor Elşad Abdullayevin arasındakı rüşvət alverilə bağlı videogörüntülərdəki nitqlərin stenoqramını hazırladığını yazır. Qəzet bu videogörüntülərə “iqtidarı silkələyən bazarlıq” mövqeyini 

ifadə edir. 

Müxalifətin aparıcı birliyi olan İctimai Palata bu yayılan videogörünütlərdən sonra parlamentin buraxılmasını tələb edən bəyanat qəbul edib.   

“Balaxanı Oil Company”də 200-ə yaxın fəhlənin maaşların artırılması və iş şəraitinin yaxışlaşdırılması ilə bağlı növbəti aksiyasını qəzet “Bakıda ikinci neft üsyanı” adlandırır və aksiyaya görə şirkət rəhbərlərinin fəhlələri hədələrə məruz qoyduğunu nəzərə çatdırır. İqtidarın eks-prezidentlərin stastusu qanunun qəbulu nəticəsində 20 illik mühacirətdən sonra ölkəyə qayıdan Ayaz Mütəllibov ölkə müxalifətinin aparıcı qüvvələrini “radikal olmaqda” ittiham edib.