Moody"s "Bank of Baku"nun reytinq proqnozunu pozitivə yüksəldib

Beynəlxalq Reytinq Agentliyi Moody's Bank of Baku-nun B2 yerli və xarici valyutada qoyulmuş uzunmüddətli depozitlər üzrə reytinqini stabildən pozitivə yüksəldib. 

"Bank of Baku"nun perspektivlərini dəyərləndirən Moody’s analitikləri bəyan ediblər ki, müsbət proqnoz bankın istehlak kreditləri bazarında mövqelərinin möhkəmlənməsi, bankın yüksək gəlirliliyi,aktivlərin yüksək keyfiyyəti və itkiləri qarşılamaq üçün yüksək kapitallaşma səviyyəsi kimi tendensiyalara əsaslanır. "Bank of Baku"-nun İdarə Heyətinin sədri Fərid Əlizadə yeni proqnozla əlaqədar bunları bildirib: "Biz əsasən maliyyə göstəricilərinə əsaslanan bu obyektiv qərarı alqışlayırıq. Bu isə öz növbəsində fəaliyyətimizin bütün sahələrinin keyfiyyətli inkişafının nəticəsidir. Fürsətdən istifadə edərək İdarə Heyətinin və səhmdarların "Bank of Baku"-nun bütün kollektivinə təşəkkürünü bildirmək istərdim". 

Həmçinin Mərkəzi Bankının qərarına əsasən, 1 yanvar 2014-cü ildən bankların məcmu kapitalına dair minimal tələb 50 milyon manata kimi artırılıb. 1 sentyabr 2012-ci ilə olan məlumata görə, "Bank of Baku"-nun məcmu kapitalı 82 milyon manat təşkil edib. Beləliklə, "Bank of Baku"-nun məcmu kapitalı Mərkəzi Bankın tələbini 32 milyon manat və yaxud 64% üstələyir. Qeyd etmək lazımdır ki, kapitallaşmanın yüksək səviyyəsi bankın uzunmüddətli inkişafının sabitliyini təmin edir. --15D—