Mətbuat-Monitorinq 27.12.14

Rəsmi qəzetlər dövlət başçısı İlham Əliyevin Binəqədi məscidinin açılışında iştirakı haqda xəbəri ilk səhifələrdə yerləşdiriblər.

Bundan əlavə, bu qəzetlərdə 2015-20-ci illərdə sənayenin inkişafına dair Dövlət Proqramının təsdiq olunması haqda fərmanın, Timurçin Əfəndiyevin Bakı Xoreoqrafiya Akademiyasının rektoru təyin olunması haqda sərəncamın mətnləri dərc edilib.

“Azadlıq” qəzeti prokurorluq orqanlarının “Azadlıq” radiosunun Bakı ofisini bağlaması, radioya aid sənədlərin və möhürün götürülməsini manjetə çıxarıb.

Xalq Cəbhəsi Partiyası “Azadlıq” radiosunun bağlanmasını müstəqil mediaya qarşı repressiyaların davam etməsi kimi dəyərləndirib.

ABŞ-ın “The Daily Beast” nəşri İntiqam Əliyevin insan haqlarını müdafiə fəaliyyətinə görə həbs olunması haqda məqalə dərc edib.

AXCP fəalı Rafiq Daşdəmirlinin oğlu Sənan Daşdəmirlinin narkotik maddə istfadəçisi olmadığı haqda ekspertiza rəyi istintaqın əsassız  narkotika ittihamını ifşa edib.

“Azadlıq” qəzetinin əməkdaşı Seymur Həzinin məhkəməsində hal şahidi kimi fadə verən polisin ifadələrində kəskin ziddiyyətlər aşkara çıxıb.

Söküntüsü davam edən Bakının tarixi “sovetski” məhəlləsində sahəsi 25 kv.metrdən az olan yüzlərlə mənzilin taleyinin həlli 2015-ci ilə saxlanılıb.  

“Ekspress” Qarabağ cəbhəsində erməni əsgərlərinin öz basdırdıqları minaya düşmələrini diqqət mərkəzinə çəkib.

Qəzet “Azadlıq” radiosunun Bakı ofisinin bağlanmasına “radionun Bakl ofisi möhürləndi” münasibətini ifadə edib. 

Ölkədə erkən nikahlara toxunan qəzet bəzi bölgələrdə qızların 14-16 yaşlarında ərə verilməsinin adət halını aldığını iddia edir.

“Novoe Vremya” “Azadlıq” radiosunun Bakı ofisinin bağlanmasına “özünəməxsus” “Azadlıq” radiosu nə qədər azaddır? sualını ünvanlayır.

“Bizim yol”  Rusiya tərəfin Azərbaycanda karantin nəzarətində olan məhsulların Rusiyaya buraxılımasına qoyduğu qadağanı “Azərbaycandan mal ixracına qadağa” kimi dəyərləndirərək ön plana çıxarıb.

Qəzet “Azadlıq” radiosunun Bakı ofisinin bağlanmasına “Bakı bürosunun möhürlənməsi” mövqeyini ifadə edib.

YAP-çı deputat Siyavuş Novruzov “Azadlıq” radiosunun Bakı ofisinin bağlanmasını “təzyiq” kimi dəyərləndirməyin “əsassız” olduğunu bəyan edib.

Qəzet sahibkarların maya dəyəri 300 manata başa gələn evləri 7-8 dəfə baha satdıqlarını bəyan edirlər.

“Yeni Müsavat”  ölkə prokurorluğunun “Azadlıq” radiousnun Bakı ofisini bağlamasını “iqtidarın ABŞ-ın Bakıdakı qapısını möhürləməsi” kimi dəyərləndirərək ilk səhifəyə çıxarıb.

Bakıda qanunsuz tikilən evlərin leqallaşdırılması göstərişilə bağlı Dövlət Əmlak Komitəsinə yaxın “makler Musa” adlı şəxs bu kateqoriya əhalidən 5 milyon manat yığaraq aradan çıxıb və qəzet faktı prezidentin tapşırığını “sabotaj” etmək sayır.

2011-ci ildən təxribatçı çıxışları ilə gündəmə gələn Elnur Məcidlinin iqtidara olan tərifini qəzet “şəxsin tövbə edərək iqtidarın tərəfinə keçdiyini” bildirir.

Məhbus Elşad Babayevin bu günlərdə işgəncə ilə öldürüldüyü iddia edilən 14 saylı həbsxananı keçmiş siyasi məhbus Vidadi İskəndərli “əsl konslager” adlandırıb.