Əmək miqrantlarının dörddə bir hissəsi qeydiyata alınıb

Dekabrın 1-i üçün 22 min  112 xarici əmək miqrantı qeydə alınıb.

Dövlət Sosial Müdafiə Fondunun (DSMF) məlumatına görə, yanvar-noyabr aylarında fərdi icbari sığorta hesabı sistemində qeydiyyata alınanların sayı 29,3% (mütləq rəqəmlrərdə  5012) artıb.

Əmək miqrantlarının mütləq əksəriyyəti kişilərdir - (89,2%). Fərdi hesab sistemində dünyanın 104 ölkəsindən vətəndaşların əmək hüquqları qeydə alınıb. Onların çoxu Türkiyə (11 815 nəfər), Gürcüstan (2 492) və Rusiyanın (1 269) payına  düşür.

Respublikada çalışan xarici vətəndaşların icbari sosial sığorta ödənişlərinə cəlb edilməsi 2006-cı ilin yanvarında başlayıb.

Yerli qeyri-hokumət təşkilatlarının məlumatına görə, əmək miqrantlarının sayı rəsmi məlumatlarda olduğundan 3,5-4 dəfə çoxdur. Bu on minlərlə ölçülür və çoxu qeyri-leqaldır.

Əmək və Əhalinin Sosial Müdafiəsi Nazirliyinin Dövlət Əmək Müfəttişliyi Xidməti və Dövlət Miqrasiya Xidməti 200-300 müəssisədə qeydiyyata alınmamış əmək miqrantı aşkar etdikdə işəgötürəni bir pozuntu faktı üzrə cərimələyir. Bu, DSMF ayırmalarına qənaət edən işəgötürənlərə sərfəlidir ki, bu da büdcəyə ödəmələrin olmamasına və miqrantların hüquqlarının pozulmasına gətirib çıxarır.

2014-cü ildə 70 min nəfər Miqrasiya Xidmətinə müraciət edib. Lakin onların əksəriyyətinin leqallaşmasından imtina edilib. Yəni, 7 potensial miqrantdan 5 nəfərinə imtina edilib və ya deportasiya olunub. Cərimələr Xidmət üçün əlverişlidir, çünki həmin vəsaitin dörddə bir hissəsi onun sərəncamına keçir. Bundan əlavə, İrandan gələn və hüquqsuz vəziyyətdə olan azərbaycanlıların sayı çoxdur.

Gürcüstandan gələn azərbaycanlılar da belə vəziyyətdədir, onlar bu ölkənin vətəndaşlarıdır. Odur ki, Azərbaycan vətəndaşlığı ala bilmirlər. Lakin Bakıda daşınmaz əmlak ala bilmirlər. Lakin burada qeydiyyata düşürlər, onların uşaqları orta və ali məktəblərdə təhsil alır, hətta bizim ölkənin ordusunda xidmət edirlər. --17D—