Rəsmi qəzetlər 28 may-Respublika günü ilə bağlı dövlət başçısının Xalq Cümhuriyyəti abidəsini ziyarət etməsi, axşam isə “Buta” sarayında bayram tədbirinin keçirilməsini ilk səhifələrə yerləşdiriblər.
“Azadlıq” qəzeti ABŞ-ın Putini devirmək üçün 30 milyard dollar maliyyə ayırması və uyğun qanun layihəsinin Konqresə təqdim etməsini ilk səhifəyə çıxarıb.
Bakıda keçirilməsi gözlənilən “Miss Globe İnternational” yarışmasının təşkilatçılarından “Merac Holdinq”in prezidenti Səbuhi Əliyev həbs olunub.
Rəsmi Bakının Ukrayna xalqını prezident seçkiləri keçirməsilə bağlı təbrik etməməsini şərhçilər “Rusiya önündə qorxu” kimi şərh edirlər.
Ekspertlər son vaxtlar ölkədəki əsassız həbsləri “Azərbaycanda 37-ci ilin ab-havasının görünməsi” ilə izah edirlər.
Beynəlxalq Əmək Təşkilatı yaydığı hesabatda Azərbaycanda gənclər arasında işsizliyin 15%-ə yaxın və ya hər 7 gəncdən birinin işsiz olduğunu qeyd edib.
Hər il ölkədən 1 milyondan çox insanın müalicə üçün İrana gedərək vəsaitlərini bu ölkənin səhiyyəsinə “yatırması”nı ekspertlər “Azərbaycanda keyfiyyətsiz səhiyyə və tibbi sığortanın olmaması” ilə izah ediblər.
“Ekspress”. Ağcabədi rayon sakini Natiq İsmayılov borcunu qaytara bilmədiyinə görə intihar edib.
İranın Azərbaycandakı səfiri Pakayin Azərbaycanda İran əleyhinə olan qüvvələri “Əbülfəz Elçibəy düşüncəsinə bağlı insanlar” kimi dəyərləndirib.
“Exo” ölkədə çaxır istehsalının iki dəfədən çox artmasını ilk səhifəyə çıxararaq bunu üzüm istehsalının artırılması ilə əlaqələndirib.
“Novoe Vremya” ölkədə cəmiyyətlə hakimiyyət arasında dialoqun qaçılmaz olmasını ön çəkərək buna “hakimiyyətlə cəmiyyətin dialoqu minnət yox, zərurətdir” mövqeyini ifadə edir.
“Bizim yol” şəhid ailələrinin sığorta tələbilə Milli Məclis önündə aksiya keçirmələrini manjetə çıxarıb.
Rəsmi Bakının paytaxtda tıxacların yaranmasını avtomobil ilə çoxluğu əsaslandırmaq istəyinə ekspertlər hər 1000 nəfərə düşən maşın sayına görə Azərbaycanın dünyada sonuncu pillələrdə yer aldığını bəyan ediblər.
“Yeni Müsavat” yazır ki, nazir Ziya Məmmədov qəzetin əməkdaşı Fərahim İlqaroğlunun döyülməsində qardaşı oğlu Aynar Məmmədovun adının hallanmasına “bu işdə təqsirli olan idmançıdan DİN-də qardaşı oğluna qarşı təzyiq vasitəsilə ifadə alınması” izahını verib, bu isə DİN-i işgəncədə ittiham etməkdir.
Əfvlə azadlığa çıxan hüquq müdafiəçisi Bəxtiyar Məmmədov həbsinə səbəb olan və hazırda həbsdə yatan Hərbi Dəniz Qüvvələrinin keçmiş komandanı Şahin Sultanovun barəsində materiallar açıqlayacağını bəyan edib.
Deputat Çingiz Qənizadə qarşıdakı əfv fərmanlarında indi adları müzakirə predmeti olan əksər siyasi məhbusların azad ediləcəklərini bəyan edib.
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz