Mətbuat Şurası saytlarla "hesablaşmanı" davam etdirir
Bakı/26.12.17/Turan: Mətbuat Şurası dekabrın 26-da keçirilən iclasında bir sıra internet resursları ilə bağlı şikayətlərə baxıb.
Xüsusən, deputat Elmira Axundova criminal.az saytından şikayət edib və şikayətin araşdırılmasının yekunu olaraq sayta xəbərdarlıq verilib.
Daha bir xəbərdarlıq "vetenperverler.az" saytına verilib.
"Dosye.az" saytı ilə bağlı materiallar isə Mətbuat Şurasının reket jurnalistikasına qarşı mübarizə komissiyasına verilib.
Nərimanov rayon İcra Hakimiyyətinin şikayəti əsasında "gundemxeber.az" saytı qara siyahıya salınıb.
"Anaxeber.com" saytına qarşı tərəfin fikrini dərc etmək tövsiyə olunub.
Realliq.info saytı barəsində materiallar hüquq-mühafizə orqanlarına təqdim edilir.
Bu barədə Mətbuat Şurasının saytında yer alan məlumatda deyilir.
Xatırladaq ki, bir müddət əvvəl bir neçə sayt Mətbuat Şurasını KİV-in hüquqlarını pozmaq və öz səlahiyyətlərini aşmaq ittihamı ilə məhkəməyə veriblər. Bu, Mətbuat Şurasının jurnalist etikasının pozulması ilə əlaqədar bir sıra saytlara girişin bloklanması təklifi ilə Rabitə Nazirliyinə müraciət etməsindən sonra baş verib. -05D-
Cəmiyyət
-
"Koroğlu" metrostansiyasının cənub çıxışında nəqliyyat mübadilə mərkəzi yaradılması ilə bağlı Azərbaycan Yerüstü Nəqliyyat Agentliyi (AYNA) tərəfindən layihə hazırlanaraq Nəqliyyatı Əlaqələndirmə Şurasına təqdim olunub və müvafiq qaydada razılaşdırılıb.
-
Mayın 3-də Bakıda və Abşeron yarımadasında temperaturun aşağı düşəcəyi və havanın yağıntılı olacağı gözlənilir. Sinoptiklərin proqnozuna görə, cümə günü axşam yağış yağacağı gözlənilir. Güclü şimal-qərb küləyi əsəcək.
-
Mayın 1-də ABŞ Maliyyə Nazirliyinin açıqladığı sanksiya siyahısında 60 şirkətin adları var və Rusiya ilə yanaşı Azərbaycan, Belçika, Çin, Birləşmiş Ərəb Əmirlikləri (BƏƏ), Slovakiya və Türkiyə şirkətləri də sanksiyalar altına düşüb.
-
Azercell-in həssas qadın qrupları üçün təşkil etdiyi təlimlər davam edir Azercell və “Ümidli Gələcək” İB-in “Gələcəyi öz əllərinlə yarat” layihəsi çərçivəsində növbəti təlim baş tutub. “Təmiz dünya” Qadınlara Yardım İctimai Birliyinin sığınacağında keçirilmiş təlimə yetkin qadınlarla yanaşı həm də yeniyetmə və gənc qızlar qatılıb. Təlimdə Azercell Akademiyasının mütəxəssisləri iştirakçılara “yumşaq bacarıqlar” - daxili motivasiya, ünsiyyət, empatiya, emosional zəka barədə məlumat veriblər. Qadın sığınacağının sakinləri isə öz növbələrində hədəfləri, karyera və təhsil planları barədə mütəxəssislərdən tövsiyələr alıblar.
Rəy yaz