Рагим Газиев
Bakı/26.12.17/Turan: Dünən saxlanılmış Azərbaycanın keçmiş müdafiə naziri Rəhim Qazıyev bu gün 10 gün müddətinə inzibati həbs cəzasına məhkum edilib.
Qazıyev qohumlarından və vəkillərindən gizli mühakimə olunub.
Məhbusun qardaşı Rahab Qazıyevin Turan-a verdiyi məlumata görə, məhkəmənin keçirilməsi və sabiq nazirə 10 günlük həbs cəzasının təyin edilməsi haqqında ona iş gününün sonunda Nərimanov rayon polis idarəsinin 17-ci polis bölməsindən bildiriblər. Amma polis Rəhim Qazıyevin hansı pozuntuda ittiham olunduğunu açıqlamayıb.
Jurnalist və hüquq müdafiəçisi Əvəz Zeynallı hesab edir ki, Rəhim Qazıyev İnzibati Xətalar Məcəlləsinin 535.1-ci (polis əməkdaqşının qanuni tələblərinə tabe olmama) maddəsi ilə mühakimə edilib.
Bu gün ərzində bölmədən Qazıyevin bu müssəsisədə olduğun inkar ediblər. Onun saxlanıldığı yer haqqında vəkil Zibeydə Sadıqovaya da heç bir məlumat vermirdilər.
Rəhim Qazıyev bazar ertəsi günorta metronun "Nərimanov" stansiyası qarşısındakı parkda saxlanılıb.
Yerli hüquq müdafiəçiləri hesab edirlər ki, onun saxlanılmasına dekabrın 21-də Youtube servisində yayınlanmış Kanal-13 internet televiziyasına müsahibəsi səbəb ola bilər. O, müsahibədə Azərbaycan prezidentini kəskin tənqidə məruz qoyub.
Rəhim Qazıyev 1992-1993-cü illərdə Azərbaycanın müdafiə naziri olub. Sonradan həbs edilib və ağır cinayətlərdə ittiha olunaraq ölüm cəzasına məhkum edilib. Sonradan bu cəza ömürlük həbslə, daha sonra 15 il azadlıqdan məhrumetmə ilə əvəz edilib. 2005-ci ildə o, prezident İlham Əliyev tərəfindən əvf olunub. -03B06-
* * *
2017 Dekabr 26 (Çərşənbə axşamı) 17:38:11
Keçmiş müdafiə nazirinin harada saxlanıldığı barədə məlumat verilmir
Bakı/26.12.17/Turan: Keçmiş müdafiə naziri Rəhim Qazıyev dekabrın 25-də günorta saatlarında Bakıda metronun Nəriman Nərimanov stansiyasının qarşısındakı parkda polis tərəfindən saxlanılıb. Artıq 24 saatdan çox vaxt keçməsinə baxmayaraq, vəkili Qazıyevin harada saxlanıldığını müəyyən edə bilmir.
"Bu gün Nərimanov rayon Polis İdarəsinin 17-ci Polis Bölməsinə, Nərimanov rayon Polis İdarəsinə, Bakı şəhər Baş Polis İdarəsinə, Daxili İşlər Nazirliyinin 102 Zəng Mərkəzinə, DİN Baş Mütəşəkkil Cinayətkarlıqla Mübarizə İdarəsinə və Dövlət Təhlükəsizlik Xidmətinə müraciət etmişəm. Heç bir qurumdan Rəhim Qazıyevin harada saxlanılması barədə məlumat ala bilməmişik. Yalnız polisdən deyiblər ki, bu gün saat 15-də keçmiş nazirin saxlanılması barədə rəsmi məlumat veriləcək. Amma, saat 16.30 olmasına baxmayaraq, onunla bağlı rəsmi məlumat yayılmayıb", deyə vəkil Zübeydə Sadıqova Turan-a bildirib.
Keçmiş nazirin qardaşı Rahab Qazıyevə dünən saat 20 radələrində 17-ci Polis Bölməsindən zəng edilərək, Rəhim Qazıyevin orada saxlanıldığını deyiblər. Eyni zamanda, dünən polis bölməsinin növbətçi hissəsindən Rəhim Qazıyevin orada saxlanıldığını təsdiq ediblər.
"Dünən dedilər səhər saat 10-da polis bölməsində olum. Bu gün saat 10-da polis bölməsindən dedilər ki, Rəhim Qazıyev orada saxlanılmır", deyə Rahab Qazıyev Turan-a bildirib. -03B-
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz