Minadan zərər çəkənlərin dəstəklənməsi üzrə yeni layihə
Bu gün ANAMA-nın (Azərbaycan Ərazilərinin Minalardan Təmizlənməsi üzrə Milli Agentlik) baş qərargahında “Azərbaycanda minadan zərərçəkənlər üçün icma əsaslı kiçik biznes təlimləri və mikrokreditlər fondu layihəsi”nin 3-cü fazasının başlanması üzrə sənədin imzalanma mərasimi keçirilib.
Mərasimdə ANAMA və BMT İnkişaf Proqramı arasında “Azərbaycanda minadan zərərçəkənlər üçün sosial iqtisadi reinteqrasiya proqramı” üzrə memorandum imzalanıb.
ANAMA-nın direktoru Nazim İsmayılov bildirib ki, Azərbaycan-Ermənistan, Dağlıq Qarabağ münaqişəsi nəticəsində Azərbaycan ərazilərinin böyük hissəsinə minalardan ziyan dəyib. Onun sözlərinə görə, 1992-ci ildən bəri 3000-ə yaxın adam minalardan zərər çəkib, onlardan 500-ə yaxını dünyasını dəyişib.
Hazırda ANAMA minadan zərərçəkənlərin cəmiyyətə reinteqrasiyası istiqamətində müəyyən işlər aparır.
BMT-nin Azərbaycandakı rezident əlaqələndiricisi Antonius Broek qeyd edib ki, bu gün imzalanan sənəd növbəti mərhələni əhatə edir və ANAMA-nın minatəmizləmə imkanlarının genişləndirilməsini, o cümlədən minalardan zərər çəkənlərə və onların ailələrinə yardımın göstərilməsini nəzərdə tutur. “
Layihə yalnız onlara pul ayırmaqla bitməyəcək, onlara biznesin təşkil olunması, marketinq, mühasibatlıq və digər sahələrdə müəyyən təlimlər keçiriləcək. Layihə Beynəlxalq Miqrasiya Təşkilatı və ANAMA-nın yerli tərəfdaşı olan “Çıraq” təşkilatı tərəfindən həyata keçiriləcək. Layihə üçün BMT 160 min ABŞ dolları həcmində vəsait ayıracaq”, - A.Broek əlavə edib.-16D-
-
- İqtisadiyyat
- 12 İyul 2013 15:43
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz