Moskva/14.05.18/Turan: Moskvanın Arbitraj Məhkəməsi Sberbank-ın ərizəsi əsasında Azərbaycan Beynəlxalq Bankının Rusiya şöbəsinin 41,6% payına həbs qoyub, xəbəri İnterfaks yayıb.
2017-ci ilin yazında ABB borclar üzrə öhdəliklərin restrukturizasiyasının başladığını elan edib. Bu ilin aprelində Sberbank Azərbaycan bankına qarşı kredit müqaviləsi üzrə 24,3 mln. dollar ölçüsündə borcun alınması iddiası ilə İngiltərə və Uelsin Yüksək Ədalətli Mühakimə Məhkəməsinə müraciət edib.
Rusiya məhkəməsinin materiallarında qeyd edilir ki, Nyu-Yorkda ABŞ-ın Federal Bankrot Məhkəməsi ABB-nin ABŞ ərazisində olan aktivlərinə moratorium qoyub, habelə restrukturizasiya planına daxil edilmiş öhdəliklərlə bağlı icra aktlarının açılmasına və ya işə salınmasına məhkəmə qadağası qoyub. Bu, o deməkdir ki, ABB-yə və ya onun əmlakına qarşı istənilən addımlar nəticəsiz qalacaq. Bundan başqa, bu ilin martında ABB Rusiyanın "ABB-Moskva" bankını ləğv etmək qərarı qəbul edib.
"ABB-Moskva"nın 41,6% payı 1,317 mlrd. rubl olaraq qiymətləndirilib. Məhkəmə qərarı dərhal icra olunmalıdır. -0-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz