Bakı/14.05.18/Turan: Mayın 14-də Buzovna qəsəbəsində bir küçədə qazın təzyiqi normativə uyğun olaraq bərpa edilib. Turan agentliyinin direktoru Mehman Əliyev həmin küçədə yaşayır.
Qazın təzyiqinin artırılması saat 16:00-da baş verib. Saat 18:00-a yaxın SOCAR nümayəndələri qazın normaya uyğun verildiyini qeydə almaq üçün qəsəbəyə gəliblər. "Biz qonşulardan soruşduq, onlar qazın normada verildiyini dedilər",- SOCAR-ın nümayəndəsi M.Əliyevə telefonla bildirib.
"Saat 16:00-da qazın verilməsini bərpa etdiniz. İndi də hər şeyin qaydasında olduğunu sənədləşdirmək istəyirsiniz?",- M.Əliyev sual edib. Ancaq qəsəbənin o biri tərəfində yaşayan sakinlər qazın əvvəlki kimi aşağı təzyiqlə gəldiyini bildirirlər.
Beləliklə, SOCAR təkcə M.Əliyevin şikayətini təmin etməklə bu problemin açıq müzakirəsini dayandırmaq qərarına gəlib.
"İstisnasız olaraq bütün istehlakçılar üçün qazın təzyiqi normaya uyğun olmalıdır. Biz bütün qanuni vasitələrlə buna nail olacağıq",- M.Əliyev vurğulayıb.
Mayın 7-də Turan İnformasiya Agentliyinin direktoru M.Əliyev qaz təchizatındakı problemlə bağlı SOCAR prezidenti Rövnəq Abdullayevə məlumat verib. Mayın 11-də informasiya sorğusu göndərilib və sorğu dərc edilib:
http://www.turan.az/ext/news/2018/5/free/Want%20to%20Say/az/72001.htm
Bundan sonra Bakının digər rayonlarından da Turan-a zənglər edərək qaz təchizatında problemlərin olduğunu bildiriblər. Məlum olur ki, son 20 gündə bir çox yerlərdə qazın təzyiqi azalıb.
SOCAR əməkdaşları təzyiqin azalmasını qış mövsümündən yay mövsümünə keçid ilə izah edirlər.
"Qaz təchizatı haqqında" qanunda qış və yay mövsümü anlayışları yoxdur. Mövsüm deyəndə qazın təzyiqini yox, həcmini başa düşmək lazımdır ki, bu da qış vaxtı artır, yayda isə məlum səbəblərdən azalır", - M.Əliyev qeyd edib
O deyib ki, evlərə qaz ən azı 0,05 kqs/sm2 və ya 20 ml/bar (atmosfer) təzyiqindən az olmayaraq verilməlididr. Ancaq 7 ml/bar qeydə alınıb.
"İstənilən halda SOCAR-dan informasiya sorğusuna cavab gözləyirik ki, bu da maksimum 7 iş günü ərzində verilməlidir", - Turan agentliyini durektoru vurğulayıb.-0-
Cəmiyyət
-
Prezident İlham Əliyev 2025-ci ili "Konstitusiya və Suverenlik İli" elan etdi. Dövlət başçısının imzaladığı sərəncamda bu, 2025-ci ildə ölkə Konstitusiyasının qəbul edilməsinin 30-cu və Vətən (İkinci Qarabağ) müharibəsində qələbənin beşinci ildönümü ilə əsaslandırılır. Bəzi ekspertlər düşünür ki, bu il Konstitusiyaya növbəti dəyişiklikləri də gözləmək olar.
-
Azərbaycan Hava Yollarına (AZAL) məxsus Embraer 190/195 təyyarəsi Bakı-Kazan marşrutu üzrə uçuş zamanı, yanvarın 1-də Astrakhan üzərində radio maneələr və GPRS pozuntuları ilə üzləşib. Bu barədə Turan aviasiya sahəsindəki mənbəyə istinadən məlumat yayıb. Təyyarənin aviyonikası yalnız Astrakhan hava məkanını tərk etdikdən sonra normal fəaliyyətini bərpa edib.
-
Dövlət qurumlarının müraciətləri əsasında Tarif (Qiymət) Şurası son iclasında bir sıra sahələrdə qiymət artımına qərar verib. Yanvarın 2-də açıqlanan bəyanata əsasən, ilk dəfə olaraq su təchizatı və tullantı sularının axıdılması sistemlərinə qoşulma üçün tariflər təsdiqlənib. İndiyə qədər bu xidmətlər dövlət tənzimlənməsi olmadan, müxtəlif məbləğlərlə həyata keçirilirdi. Təsdiq edilmiş tariflər:
-
Azərbaycan 2025-ci ili qədim ənənələrin və müasir bayramların rəngarəng qarışığı ilə qarşıladı. Bu tədbirlər xalqın zəngin mədəni irsini və gələcəyə yönəlmiş arzularını əks etdirdi. Geniş ailə süfrələrindən parlaq ictimai tədbirlərə qədər qeyd etmələr keçmişlə indinin unikal sintezini nümayiş etdirdi.
Rəy yaz