M.Qurbanlı: Dini icmaların azad fəaliyyəti təmin edilir

Dini Qurumlarla İş üzrə Dövlət Komitəsinin rəhbərliyi cümə günü Xəzər rayonunda dini icmalarla görüş keçirib.

Komitə sədri Mübariz Qurbanlı dövlət müstəqilliyinin bərpasından sonra milli-mənəvi dəyərlərə qayıdış prosesinin sürətləndiyini bildirib.

Komitənin əsas məqsədinin kimi dövlət-din münasibətlərini, o cümlədən dini icmaların fəaliyyətini nizamlamaqdan ibarət olduğunu söyləyib. Komitə sədri dinin dövlətdən ayrı olduğunu, amma dindarın həm də vətəndaş olduğu üçün dövlətdən ayrı olmaması məsələsinə toxunub.

Ölkədə istənilən dini icmanın azad fəaliyyətinə tam şərait yaradıldığı iddia edilib. Tolerantlıq baxımından Azərbaycanın dünyanın ən qabaqcıl ölkələri sırasında olduğu vurğulanıb. Tolerantlığın təminatı üçün hökumət tərəfindən addımlar atıldığı qeyd edilib. Ölkənin hər tərəfində xristian, müsəlman, yəhudi dini icmalarının dinc yanaşı mövcud olduğu xatırladılıb.

Son olaraq, tədbir iştirakçıları rayon ərazisində yerləşən “Mir Mövsüm ağa” ziyarətgahında olub. -05D-