İlham Əliyev 84 nəfəri əvf edib (YENİLƏNİB)
Prezident İlham Əliyev oktyabrın 17-də 84 nəfərin əvf olunması haqqında sərəncam imzalayıb.
Sənədə əsasən, 80 nəfər həbsdən azad ediləcək, onlar arasında Türkiyə, İran və Pakistan vətəndaşları var. Daha bir nəfər şərti cəzadan, iki nəfər islah işlərindən və bir nəfər cərimədən azad ediləcək.
Əvf olunanlar arasında hüquq müdafiəçilərinin siyasi məhbus kimi tanıdığı dörd nəfər var. Onlardan üçü NİDA fəalları Bəxtiyar Quliyev, Şahin Novruzlu və Elsevər Mürsəllidir.
Bu ilin iyun-iyul aylarında onlar əvf haqqında müraciət yazıblar və NİDA-dan çıxdıqlarını və hakimiyyətin siyasətini dəstəklədiklərini bəyan ediblər.
Həmçinin, Gəncədə fəaliyyət göstərən “İntellektual vətəndaş” Maarifləndirmə Mərkəzi QHT-nin rəhbəri Həsən Hüseynli də əvf olunub.
Qeyd edək ki, avqustun 8-də elan edilmiş siyasi məhbusların vahid siyahısında 98 nəfərin adı var. Bu siyahı sonradan özləri də həbsə düşən hüquq müdafiəçiləri Rəsul Cəfərov və Leyla Yunus tərəfindən tərtib olunub.
Bu gün Azərbaycanda hələ də 100-ə yaxın siyasi məhbus var. -06В-
2014 Oktyab 17 (Cümə) 16:24:13
Prezident İlham Əliyev oktyabrın 16-da əvf fərmanı imzalayıb. Müxtəlif mənbələrin məlumatına görə, əvf olunanlar arasında bir neçə siyasi məhbus var. Ümumilikdə isə əvf fərmanı 100 nəfəri əhatə edir.
Yaxın saatlarda bütün siyahının elan ediləcəyi gözlənilir. -0-
Siyasət
-
Azərbaycan Respublikasının Prezidenti İlham Əliyev Gürcüstanda keçirilmiş parlament seçkilərinin nəticələri və ölkənin aparıcı siyasi qüvvəsi olan “Gürcü Arzusu - Demokratik Gürcüstan” partiyasının qələbəsi münasibətilə Baş nazir İrakli Kobaxidzeni təbrik edib.
-
Oktyabrın 26-da Azərbaycanın ekologiya və təbii sərvətlər naziri, COP 29-un prezidenti Muxtar Babayev ABŞ prezidentinin beynəlxalq iqlim siyasəti üzrə baş məsləhətçisi Con Podesta ilə görüşüb. Bu barədə X sosial platformasında COP-un səhifəsində deyilir.
-
İran İsrailə vasitəçi vasitəsilə məlumat verib ki, oktyabrın 26-na keçən gecə İsrail qüvvələri tərəfindən həyata keçirilən hava hücumuna cavab addımları atmadan çəkiləcək. Bu barədə Sky News Arabia platforma X-dəki bloqunda anonim mənbəyə istinadən məlumat yayıb.
-
Səmada 100 təyyarə: İsrail üç saat ərzində İrana zərbələr endirib Əməliyyat zamanı ən azı 20 hədəfə hücum olub, lakin nüvə və neft obyektlərinə zərbə endirilməyib.
Rəy yaz