Oktyabrın 2-də MTN təcridxanasının əməkdaşları vəkil Elçin Sadıqovdan tələb ediblər ki, jurnalist Pərviz Həşimli ilə görüşündə etdiyi qeydləri onlara versin.
“Mənə dedilər ki, onları rəhbərliyə göstərməlidirlər. Mən imtina etdim. Lakin məni buraxmadılar, sonra məcburən qeydəri götürüb baxdılar. Dedilər ki, bu, rəhbərliyin göstərişidir”, - vəkil Turan-a bildirib.
E.Sadıqov bunu vəkillik haqqında qanunun pozulması kimi qiymətləndirib və Baş Prokurorluğa, Vəkillər Kollegiyasına şikayətlə müraciət edib.
Həmçinin vəkil P.Həşimlinin həbsinin ev dustaqlığı ilə əvəz olunması barədə vəsatətin qaldırıldığını bildirib.
* Pərviz Həşimli “Bizim yol” qəzetinin əməkdaşı, Siyasi və Mülki Hüquqların Müdafiə Mərkəzinin rəhbəri, AXCP üzvüdür. O, sentyabrın 17-də qaçaqmalçılıq və qanyunusz silah saxlamaq ittihamı ilə həbs olunub.
P.Həşimli ittihamların uydurma və siyasi motivli olduğunu bildirir.
Bir çox yerli və beynəlxalq hüquq-müdafiə təşkilatları jurnalistin həbsini pisləyiblər.–16D06-
Cəmiyyət
-
"Gələn il Azərbaycan növbəti böyük idman yarışına ev sahibliyi edəcək, bu da MDB Oyunlarıdır. Üçüncü MDB Oyunları Azərbaycanda keçiriləcək". Bunu, dekabrın 24-də 2024-cü ilin idman yekunlarına həsr olunan mərasimdə prezident İlham Əliyev söyləyib.
-
Dekabrın 28-də Bakıda və Abşeronda yağış gözlənilir. Şimal-cənub küləyi şimal-qərb küləyinə keçəcək. Havanın temperaturu gecə müsbət 5 +8, gündüz müsbət 8 + 10 dərəcə olacaq. Rütubət 80-90 faiz olacaq.
-
Dekabrın 25-də "Azərbaycan Hava Yolları" QSC-nin (AZAL) Bakı–Qroznı reysini yerinə yetirən "Embraer 190" tipli sərnişin təyyarəsi Qazaxıstanın Aktau şəhəri yaxınlığında qəzaya uğrayıb. Azərbaycanın Aktau şəhərindəki Baş konsulu Ayxan Süleymanlı deyib ki, təyyarədə ekipaj üzvləri ilə birlikdə 67 nəfər uçub, onlardan 38 nəfər həlak olub. Onun vurğulamasına görə, ölənlərin 26-sı Azərbaycan vətəndaşlarıdır.
-
Dekabrın 27-də Bakıda və Abşeronda yağış yağacağı, bəzi yerlərdə intensiv olacağı gözlənilir. Cənub-şərq küləyi əsəcək. Havanın temperaturu gecə 7-9 dərəcə, gündüz 9-11 dərəcə olacaq. Nisbi rütubət 70-80% təşkil edəcək..
Rəy yaz