![Hansı sahələrdə daha çox korrupsiya faktı aşkarlanıb?](https://turan.az/resized/750/500/resize/media/2013/main/100300052083.jpg)
Hansı sahələrdə daha çox korrupsiya faktı aşkarlanıb?
Bu ilin 9 ayında korrupsiya cinayətləri ilə bağlı məhkəmələrə göndərilən 138 cinayət işi bütün sahələri əhatə edib. Bu barədə baş prokuror yanında Korrupsiyaya Qarşı Mübarizə İdarəsinin rəisi Kamran Əliyev bu gün keçirdiyi mətbuat konfransında bildirib. Onun sözlərinə görə, Azərbaycanda korrupsiya faktları bütün sahələri əhatə edir və bunların sırasında əsasən vergi, səhiyyə, nəqliyyat sahələri, hüquq- mühafizə orqanları, bələdiyyələr, Əmlak Məsələləri Dövlət Komitəsi, “Azərenerji", "Azərqaz", həmçinin özəl sektor var.
K.Əliyev bildirib ki, bu ilin ötən dövründə idarədə cinayət xarakterli material kimi baxılmış 232 müraciət üzrə 132 cinayət işi başlanılıb, o cümlədən cinayət işlərindən 47-i ayrıca icraata verilib.
Onun sözlərinə görə, 2013-cü ilin son doqquz ayında idarənin istintaq şöbəsində 322 cinayət işinin ibtidai araşdırması həyata keçirilib, şöbə tərəfindən 251 şəxsin barəsində cinayət işinin istintaqı tamamlanaraq baxılmaq üçün müvafiq məhkəmələrə göndərilib.
Məhkəmələrə göndərilmiş və mahiyyəti üzrə baxılmış bütün işlər üzrə ittiham hökmləri çıxarılıb, təqsirləndirilən şəxslərdən bəraət alan olmayıb. İstintaqı başa çatdırılmış cinayət işləri üzrə 3 milyon 358 min manat dəyərində əmlaka həbs qoyulması təmin edilib.
İstintaqı aparılmış və hazırda icraatda olan cinayət işləri üzrə fiziki və hüquqi şəxslərə vurulmuş 14 milyon 422 min manat həcmində ziyanın ödənilməsi təmin edilib.-16D-.
-
- Cəmiyyət
- 3 Oktyabr 2013 14:46
-
- İqtisadiyyat
- 3 Oktyabr 2013 14:58
İqtisadiyyat
-
Azərbaycan Dövlət Neft Şirkəti (ARDNŞ) və İtaliyanın Eni SpA şirkəti arasında enerji keçidinə dair Anlaşma Memorandumu imzalanıb. Bu barədə Azərbaycanın İqtisadiyyat naziri Mikayıl Cabbarov “X” sosial şəbəkəsindəki hesabında məlumat verib.
-
Azərbaycanın iqtisadiyyat naziri Mikayıl Cabbarov iyulun 29-da Türkiyənin “Kibar Holding” konqlomeratının sədri Ali Kibar ilə görüşüb. Görüş zamanı ikitərəfli əməkdaşlığın gücləndirilməsi, sənaye istehsalına investisiyaların artırılması və enerji sektorunda tərəfdaşlıqların dəstəklənməsi məsələləri müzakirə edilib.
-
Azərbaycan Respublikasının Nazirlər Kabineti Rəqabət Məcəlləsinin 30.1-ci maddəsində göstərilən ərizə formasını təsdiq edib. Bu qərar Azərbaycan Respublikası Prezidentinin 2023-cü il 2 dekabr tarixli 1051-VIQ nömrəli Fərmanına uyğunlaşdırılması və Rəqabət Məcəlləsinin tətbiqi ilə bağlı normativ tələblərin həllinə yönəlib.
-
Azərbaycan Prezidenti İlham Əliyev 2025-ci ilin yanvar ayından qüvvəyə minəcək Azərbaycan Respublikasının Torpaq Məcəlləsində dəyişiklik edilməsi haqqında fərman imzalayıb. Qanunvericilikdə edilən dəyişikliklər kənd təsərrüfatı torpaqlarının idarə edilməsi və istifadəsinin təkmilləşdirilməsinə, habelə tənzimləmə proseslərinin təkmilləşdirilməsinə yönəlib.
Rəy yaz