Mübariz Qurbanlı televiziya efirində senzuradankənar ifadənin ona aid olduğunu təkzib edir

Dekabrın 30-da contact.az saytı Azərbaycan Dövlət Televiziyasının dekabrın 29-da sosial şəbəkədə yayılmış verilişində senzuradankənar ifadə səslənməsi haqqında yazı dərc edib.

Bu mövzudakı məlumatda deyilirdi ki, parlamentin bir qrup deputatı AzTV dövlət telekanalının canlı efirində dövlətçilik və gənclər siyasəti məsələlərini müzakirə edirlər

Tələbə gənclər təşkilatının rəhbəri Şahin İsmayılovun çıxışı zamanı kadr arxasından gənclər haqqında ədəbsiz ifadə eşidilir.

Bu verilişdə parlamentin deputatları Mübariz Qurbanlı, Hadı Rəcəbli və Ziyad Səmədzadə də iştirak edirdilər.

Saytın yazısında səsin Mübariz Qurbanlının səsinə bənzədiyi ehtimalı yer alıb.

Bununla əlaqədar deputat Mübariz Qurbanlı narazılığını bildirib və senzuradankənar ifadənin ona aid olduğunu təkzib edib. O, həmçinin bildirib ki, İnternetdəki videoyazı montaj edilmiş ola biləcəyini və ya senzuradankənar ifadə televiziyanın verilişi hazırlayan texniklərinə aid ola biləcəyini bildirib. 

Bununla əlaqədar olaraq, contact.az yalnız səsin bənzərliyi haqqında ehtimal yürüdüldüyünü və Mübariz Qurbanlını və ya başqa birini təhqir etmək və ya alçaltmaq məqsədi olmadığını qeyd etməyi lazım bilir. Yazıda efirdə belə bir şeyin necə çıxdığı sual edilir.

Həqiqətin müəyyən edilməsi üçün araşdırma aparılır. Onun nəticələri haqqında həm Mübariz Qurbanlıya, həm də oxuculara məlumat veriləcək. -0-