Lənkəran Ağır Cinayətlər Məhkəməsində bu gün AXCP fəalı Murad Ədilov barəsində hökm çıxarılıb. O, CM-in 234.4.3-cü (böyük ölçüdə narkotik maddələrin qanunsuz dövriyyəsi) maddəsi ilə təqsirli bilinib və 6 il müddətinə azadlıqdan məhrum edilib. Prokuror Ədilovun 7 il azadlıqdan məhrum edilməsini istəyib.
Son sözündə Ədilov bildirib ki, o, qardaşı Natiq Ədilovun müxalifətçi və jurnalist kimi fəaliyyətinə görə siyasi motivlərlə təqib olunur.
N.Ədilov İnternetdə “Azərbaycan saatı” televiziya proqramının aparıcısıdır.
Həbs və istintaq zamanı Murad daim qardaşını fəaliyyəti haqqında sorğu-sual edilib.
M.Ədilov qeyd edib ki, onların ailə üzvləri ifadə azadlığına görə təqib olunur.
Bununla belə, o qeyd edib ki, həbs cəzası onu sındırmayacaq və o, siyasi əqidəsindən dönməyəcək.
Vəkil Yalçın İmanov Turan-ın müxbiri ilə söhbətində məhkəmənin hökmünü əsassız, qanunsuz və ədalətsiz adlandırıb.
Hökm çıxararkən məhkəmə dəlillərə deyil, ittiham tərəfin subyektiv rəylərinə əsaslanıb. Məhkəmə təhqiqatına əsaslansaydı, hakim M.Ədilova bəraət verməli idi.
İbtidai istintaqa gəlincə, müdafiə tərəfin vəsatətinə tamamilə məhəl qoyulmayıb, deyə vəkil bildirib.
İttiham tərəfi M.Ədilovun evində tapılmış, o cümlədən geyimində “aşkar edilmiş” narkotikin ona məxsus olduğu barədə sübut təqdim edə bilməyib.
Müdafiə tərəfi apellyasiya şikayəti vermək niyyətindədir.
* Murad Ədilov 11 avqust 2014-cü ildə Sabirabad rayonunda saxlanılıb. O,”Azadlıq” qəzetinin əməkdaşı və AXCP liderinin mətbuat katibi Natiq Ədilovun qardaşıdır. Təqib və təzyiqlərlə əlaqədar Natiq Ədilov qardaşının həbsindən sonra Azərbaycanı tərk etmək məcburiyyətində qalıb, Fransandan sığınacaq alıb. -06D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz