Bakı Ağır Cinayətlər Məhkəməsində mayın 14-də Fikrət Qəribovun sədrliyi ilə AXCP Gənclər Komitəsinin üzvü Elvin Abdullayevin (Abdullazadə) işi üzrə hazırlıq iclası keçirilib.
Vəkil Əli Mehdiyev bildirib ki, Abdullazadə yanvarın 8-də saat 11:00 radələrində saxlanılıb, lakin onun geyiminə baxış 19:30-da keçirilib və guya üzərindən narkotik tapılıb.
“Bütün bu müddət ərzində o, qanunsuz olaraq polisdə saxlanılıb”, deyə vəkil bildirib. Abdullayevin hüquqlarının pozulduğunu bildirən vəkil cinayət icraatına son qoyulması və işin təkrar istintaqa göndərilməsi haqqında vəsatət qaldırıb.
Hakimlər vəsatəti təmin etməyərək, dinləmələri mayın 19-na təyin ediblər.
Abdullayev söz istəyərək bildirib ki, o, istintaq təcridxanasında üç gün döyülüb və yemək verilməyib. Lakin hakim onun sözünü kəsərək bu barədə daha əvvəl danışmalı olduğunu bildirib və sözlərini vəkili vasitəsilə çatdırmağı təklif edib.
Mayın 7-də Abdullayev karserə yerləşdirilib. Anası Zülfiyə Abdullayeva bildirib ki, istintaq təridxanasında oğluna əqidəsindən dönməsi üçün təzyiq göstərilir.
E.Abdullayev Azərbaycan Pedaqoji Universitetinin tələbəsidir. Tələbələr arasında hakimiyəti tənqid etdikdən sonra prorektor onu yanına çağırıb və bunun yolverilməz olduğunu bildirib.
2015-ci il yanvarın 8-də imtahan verdikdən sonra E.Abdullayev saxlanılıb və guya üzərindən 3 qr heroin götürülüb.
E.Abdullayevə qarşı 234.4.3-cü maddə (böyük ölçüdə narkotik maddənin qanunsuz dövriyyəsi) ilə ittiham irəli sürülüb. Lakin tələbə bildirib ki, narkotik onun üzərinə qəsdən atılıb. O, ittihamları siyasi sifariş hesab edir. -0B-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz