Bu gün Bakının Nəsimi rayon məhkəməsi Baş Prokurorluğun jurnalist Xədicə İsmayılovanın həbs müddətinin uzadılması haqqında təqdimatına baxıb.
Məhkəmə təqdimatı təmin edib və jurnalistin həbs müddətini avqustun 24-nə qədər uzadıb, bu barədə Turan-a vəkil Fariz Namazlı bildirib.
İstintaq İsmayılovanın həbsdə saxlanılmasını əsaslandırarkən əvvəlki bəhanələrini təkrar edib. Prokurorluq iddia edir ki, İsmayılova şahidlərə təsir göstərə və istintaqdan gizlənə bilər. Bundan başqa, istintaq ekspertiza rəyi alınması zərurəti olduğunu bildirir.
Vəkil bugünki məhkəmə qərarından apellyasiya vermək niyyətində olduğunu bildirib. Bundan başqa, artıq qətimkan tədbirinin ev dustaqlığı ilə əvəz edilməsi haqqında vəsatət qaldırılıb. Vəsatətə mayın 15-də baxılacaq.
Xatırladaq ki, bununla İsmayılovanın həbs müddəti üçüncü dəfədir ki, uzadılır.
* Xədicə İsmayılova 2014-cü il dekabrın 5-də jurnalist Tural Mustafayevi özünü öldürmə həddinə çatdırmaq ittihamı ilə həbs edilib. Lakin fevralın 13-də prokurorluq 179.3.2 (külli məbləğdə mənimsəmə), 192.2.2-ci (qanunsuz sahibkarlıq) və 308.2 (vəzifə səlahiyyətlərindən sui-istifadə) maddələrlə yeni ittiham irəli sürüb. -16D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz