Müsavat başqanı hökuməti siyasi məhbusları azad etməyə çağırıb

Müsavat Partiyası haqqında iqtidaryönümlü mediada yazılanlar reallığı əks etdirmir, partiyada sdadəcə nəsil dəyişməsi prosesi gedir, partiya parlament seçkilərində 70 dairə üzrə namizədliyini irəli sürəcək şəxslərin ilkin siyahısını müəyyən edib, siyasi məhbuslar azad ediməsə Avropa Oyunlarını boykot edəcək.

Bu və digər fikrilər Müsavat Partiyasının başqanı Arif Hacılının bu gün partiyanın Mərkəzi Qərargahında  mətbuat konfransının əsas mözvuları olub.

Müsavat Partiyasının başqanı həmçinin Müsavat Partiyasının iqtidarın siyasi partiyalarla görüşünüə dəvət olunması və keçiriləcək görüş barədə Müsavatın mövqeyi, 21-22 mayda Riqada keçiriləcək “Şərq Tərəfdaşlığı” toplantısı və bu toplantıda Azərbaycanın iştirakının vacibliyi, siyasi məhbusların azad edilməsinə nail olmaq üçün partiyasının planları və digər ictimai-siyasi məsələlər haqqında da danışıb.

A.Hacılı iqtidarın siyasi partiyalarla görüşünə Müsavat Partiyasının dəvət edildiyini bildirib, mayın 15-də keçiriləcək görüş Avropa Oyunları ilə bağlı olacaq.

“Ümumilikdə iqtidarın siyasi təşkilatlarla təmas qurmağa çalışması müsbət haldır, ancaq formatı, görüşdə müzakirə ediləcək mövzunu əvvəlcədən tərəflərlə razılaşdırılmadan iqtidarın müəyyən etməsi qəbuledilməzdir”.

Müsavat başqanı görüşün iqtidar-müxalifət dialoqu olmadığını qeyd etməklə yanaşı, iqtidar-müxalifət görüşünün zəruri olduğunu, belə görüşdə ilk olaraq 3 məsələnin müzakirəsinin vacibliyini vurğulayıb: Siyasi məhbus probleminin həll olunması; Avropa İttifaqının “Şərq Tərəfdaşlığı” təşəbbüsü üzrə Riqa sammitində dövlətin yüksək səviyyədə təmsilçiliyinin təmin olunması və Avropa İttifaqı ilə assosiayiv sazişin imzalanması; Demokratik islahatların, o cümlədən mətbuat azadlığı, sərbəst toplaşma azadlığı və digər hüquqların təmin edilməsi, seçki islahatlarının həyata keçirilməsi istiqamətində ciddi adımların atılması.

“İqtidar bu üç təklifimizi qəbul edərsə, Müsavat Partiyası görüşdə iştirak edəcək. Müsavatın irəli sürdüyü məsələlər artıq Azərbaycan üçün milli təhlükəsizlik məsələsinə çevrilib”, deyə o qeyd edib

O, Müsavat Partiyasının Avropa Oyunları ilə baglı Müsavat Məclisinin 4 aprel tarixli sessiyasının sərt qərar qəbul etdiyini xatırladıb.

“Azərbaycanın iqtisadi böhranın astanasında olduğu indiki şəraitdə milyardlarla vəsaitin sərf olunduğu, xüsusilə də siyasi məhbusların azad edilmədiyi təqdirdə, bu korrupsiya layihəsinin Müsavat Partiyası tərəfindən dəstəklənməsini kimsə gözləməməlidir. Siyasi məıhbuslar mayın 28-dək azad edilməsə Müsavat Partiyası Avriopa Oyunlarını boykot edəcək”, deyə Hacılı qeyd edib.

O, boykotun formaları ilə bağlı sualın cavabında “çağırışlar edəcəyik və digər etiraz formalarına müraciət edəcəyik”, deyə bildirib.

Müsavat başqanı 21-22 mayda Riqada keçiriləcək “Şərq Tərəfdaşlığı” toplantısı haqqında danışarkən deyib ki, istər Cümhuriyyətin varisi kimi, istərsə də müstəqilliyin bərpası zamanı Azərbaycan öz inkişafını və milli təhlükəsizliyini Avrointeqrasiyada gördüyünü bəyan edib.

“Bu baxımdan, Avropaya inteqrasiya siyasəti Azərbaycanın xarici siyasətinin nəinki əsasını, tamamını ehtiva etməlidir. Müsavat Partiyasının mövqeyi budur ki, hakimiyyət Riqa toplantısında dövlətin Avrointeqrasiya seçimini aydın və qəti şəkildə bəyan etməli və rəsmiləşdirməlidir”.

A.Hacılı siyasi məhbus problemini son iki ildə ağır repressiya müstəvisinə keçirildiyini, 10 milyonluq Azərbaycanda 140 milyonluq avtoritar Putin Rusiyasından daha çox - son dəqiqləşdirmələrə görə 80 nəfərdən artıq siyasi məhbusun olmasının ölkədaxili qarşıdurmanı dərinləşdirməklə yanaşı, Azərbaycanın beynəlxalq imicinə də misilsiz zərbə vurduğunu bildirib.

“Müsavat Partiyası üçün prioritetlər sırasında siyasi məhbus problemi əsas yer tutur. İki gündür müsavatçılar siyasi məhbusların azadlığa buraxılması tələbi ilə müddətsiz aclıq aksiyasına başlayıb. Artıq regionlardan bu aksiyalara qoşulanlar var”.

Mətbuat konfransında iştirak edən iqtidaryönümlü media təmsilçilərinin sualları əsasən partiyadaxili münasibətlərə yönəlib. 

Arif Hacılı çoxsaylı suallara cavabda bildirib ki, Müsavat Partiyasının 8-ci qurultayı  tarixi bir qurultaydır. “Bu qurultayda partiyanın başqanı İsa Qəmbər 3-cü dəfə namizədliyini irəli sürmədi. Bu, MDB məkanında yeganə hallardan biridir. Səslərin sayılması canlı yayımla nümayiş etdirildi. Müsavat azad, şəffaf, demokratik seçki keçirdi. İqtidar da belə bir seçki  keçirsin, baxaq. Bu  hallardan danışmayan iqtidar mediası, televiziyalar birdən-birə müsavatdaxili problemlərə diqqətə ayırır. Bunlar məqsədlidir, partiyadakı demokrtaik prinsiplərə kölgə salmaq məqsədi daşıyır”, deyə o qeyd edib.

Müsavat başqanı partiyada nəsildəyişmə priosesinin getdiyini diqqətə çatdırıb və bununla bağlı bəzi problemlərin olduğunu deyib. “Amma bu problemlər iqtidaryönümlü medianın və televizyaların dediklərindən çox-çox azdır. Partiyadan çıxanların sayı yazılanlardan dəfələrlə azdır. Bu gün bəzi media orqanlarında partiyadan 55 nəfərin istefa verdiyini yazıblar. O adların əksəriyyəti partiyaya məlum deyil. Hətta onların arasında dünyasını dəyişənlər də var”, deyə Hacılı yazılanları təkzib edib. 

Onun sözlərinə görə, nəsildəyişmə nəticəsində rayon təşkilatlarının rəhəbrələri də dəyişir. “Hətta partiyanın 15 divan üzvündən yalnız 3 nəfəri əvvəl divan üzvü olanlardır”, deyə Hacılı bildirib. -03C-