![«Nardaran işi» məhkəməsində işgəncələrdən danışılıb - Cəmil Həsənlinin şərhi](https://turan.az/resized/media/2016/main/082400166597-750-500-resize.webp)
«Nardaran işi» məhkəməsində işgəncələrdən danışılıb - Cəmil Həsənlinin şərhi
Avqustun 24-də Bakı Ağır Cinayətlər Məhkəməsində “Nardaran İşi” üzrə məhkəmə prosesi davam etdirilib. Hakim Əlövsət Abbasovun sədrliyi ilə keçirilən məhkəmə prosesində Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinin əməkdaşı İslam Ağabəyov ifadə verib.
Vəkillər və təqsirləndirilən şəxslər işgəncələrlə bağlı Ağabəyova suallar ünvanlayıb. Bu zaman zalda mübahisə yaranıb. Hakim tərəflərə xəbərdarlıq edib.
Məhkəmə iclasını müşahidə edən Milli Şuranın sədri Cəmil Həsənli facebook səhifəsində öz təəssüratlarını yazıb.
“Yenicə “Nardaran işi” ilə bağlı məhkəmədən gəlirəm. Bu gün prosesdə bu iş üzrə şahid və zərərçəkən kimi tanınmış “Bandotdelin” (Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsi) əməliyyat işçisi İslam Ağabəyov ifadə verirdi. Məhkəmə araşdırması zamanı vəkillər və təqsirləndirilən şəxslər Nardaran işi ilə bağlı cənab Ağabəyovun saxlanılan şəxslərə ağır işgəncələr verdiyini üzə çıxardı. Bu, ayrı bir yazının mövzusudur. Ən maraqlısı odur ki, Nardaran əməliyyatının əsas təşkilatçılarından biri olan Ağabəyov bu iş üzrə həm əməliyyat istintaq işlərində iştirak edib, təqsirləndirilən şəxslərin hadisə yerinə aparılması və bu prosesin videoya alınmasında iştiriak edib, həm də işdə şahid və zərərçəkən kimi tanınıb. Suala cavab zamanı Hacı Taleh Bağırzadə bəyan etdi ki, məhz Ağabəyov ondan Nardaran hadisələrini Milli Şuranın, Əli Kərimli və mənim təşkil etməyib barədə təhdid və işgəncə yolu ilə ifadə almağa çalışıb, bu ifadəni almaq üçün ona idarədə dəhşətli işgəncə veriblər. Əslində, normal və müstəqil məhkəmə olsaydı Ağabəyov törətdiyi qanunsuz əməllərinə görə məhkəmə zalındaca həbs olunmalı idi. Yeri gəlmişkən, bu gün o da aydın oldu ki, bir neçə gün əvvəl həbs edilmiş Əli Kərimlinin köməkçisi və “Azadlıq” qəzetinin maliyyə direktoru Faiq Əmirlinin maşınının yük yerinə Gülənçi ədəbiyyatı yerləşdirənlərdən bir də elə bu İslam Ağabəyov olub”, deyə Həsənli qeyd edib. -03B-
Cəmiyyət
-
Avqust ayında Azərbaycanda havanın orta aylıq temperaturu iqlim normasına yaxın olacaq.
-
İyulun 30-da Türkiyə və Ermənistanın Normallaşma Prosesinin xüsusi nümayəndələri (səfir Serdar Kılıç və Ermənistan parlamentinin sədr müavini Ruben Rubinyan) iki ölkənin ortaq sərhədində yerləşən Əlican-Mərqara sərhəd qapısında beşinci görüşlərini keçirdilər. “Xüsusi nümayəndələr Akyaka/Axurik dəmir yolu sərhəd qapısının regional inkişaflara uyğun olaraq istifadəyə veriləcəyi təqdirdə tələb olunacaq texniki ehtiyacları qiymətləndirməyə və qarşılıqlı viza prosedurlarını asanlaşdırmağa razılaşdılar. Onlar son məqsədi tam normallaşma olan bu prosesin heç bir ilkin şərt olmadan davam etdirilməsi ilə bağlı razılığı təsdiqləyiblər”, - TRT-nin xəbərinə deyilir.
-
Bakıda cümə axşamı yağıntı gözlənilmir, lakin gecə Abşeronda bir sıra yerlərdə qısamüddətli yağış yağacağı ehtimalı var.
-
İyulda Azərbaycan Ordusunun mühəndis qoşunlarının bölmələri 1184 hektardan artıq ərazini minalardan təmizləyib. Bu barədə çərşənbə günü Azərbaycan Müdafiə Nazirliyi məlumat yayıb.
Rəy yaz